Matiu 26:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọ da ta nẹ, yanran kpo evun rẹ orere na bru oghẹre rẹ ohwo ọtiọna, re wọ ta kẹ nẹ, Oyono tare nẹ, Me cha re emu rẹ Ẹwanvrẹn na vwẹ uwevwi wẹn kugbe idibo mẹ.

Matiu 26:18 Referans Kwoze

Iyẹnrẹ Esiri ri Jọn 7:6

Jesu da ta kẹ ayen, Ọke mẹ ji rhi te-e, ẹkẹvuọvo ọke rẹ ovwan ọ hẹ obọ rẹ ovwan.

Iyẹnrẹ Esiri ri Jọn 17:1

Ọke ri Jesu vwọ ta eta nana nu, ọ da kpare opharo ni enu ọ da ta, Ọsẹ, ọke na tere; vwẹ urinrin kẹ Ọmọ wẹn rere Ọmọ na vwẹ urinrin kẹ owẹ.

Iyẹnrẹ Esiri ri Jọn 13:1

Asakiephana tavwe rẹ orẹ rẹ Ewanvrẹn ki rhi te, ri Jesu vwọ riẹn nẹ ọke rọye vwo nẹ akpọ na bru Ọsẹ na ra tere, rọ vwọ guọnọ erobọ rọye re hẹ akpọ na, ọ da guọnọ ayen te oba.

Iyẹnrẹ Esiri ri Jọn 7:30

Ọtiọye na kẹ ayen guọnọ muẹ; ẹkẹvuọvo ohwo ọvuọvo shabọ phihọ-ọ, fikiridie ọke rọye ji rhi te-e.

Iyẹnrẹ Esiri ri Jọn 7:8

Ekpuyovwi rẹ ovwan se kpo orẹ na; mi che kpo orẹ na-a, kidie ọke mẹ je nabọ te-e.

Iyẹnrẹ Esiri ri Jọn 12:23

Jesu da kpahe kẹ ayen, Ọke na tere ra vwọ vwẹ urinrin kẹ Ọmọ rẹ ohwo re.

Iyẹnrẹ Esiri ri Luk 22:53

Ọke re me vẹ ovwan vwọ herọ kẹdẹ kẹdẹ vwẹ uwevwi rẹ ẹga na, we shabọ họ ovwẹ-ẹ. Ẹkẹvuọvo ọnana hẹ unọke rẹ ovwan, kugbe ogangan rẹ ebri.

Iyẹnrẹ Esiri ri Jọn 11:28

Ọke rọ vwọ ta ọnana nu, ọ da yanran re se oniọvo rọye Meri, ọ da bẹbẹ ta kẹ, Oyono na hẹ etinẹ o re se we.

Iyẹnrẹ Esiri ri Mak 5:35

Ọke rọ jẹ vwọ ta ota na, ihwo ẹvo de nẹ uwevwi rẹ osun ri sinagọg na rhe, Ọmọtẹ wẹn ghwu nure kidie wo rhe vwo kpokpo Oyono ọfa?

Matiu 26:2

Ovwan riẹnre nẹ ẹdẹ ivẹ da wan nu orẹ rẹ Ẹwanvrẹn na ko te otọ, ka cha vwẹ ọmọ rẹ ohwo phia rere a karọ mu agbagba.

Matiu 23:10

We jẹ ohwo se ovwan onini-i; Kidie ohwo ọvo ọye hẹ onini rẹ ovwan, ohwo yena hẹ Kristi.

Matiu 23:8

Ẹkẹvuọvo we jẹ ohwo se ovwan iyono-o; kidie ohwo ọvuọvo ọye hẹ oyono, otu ri chekọ kẹ imoni.

Matiu 21:3

Ọ da dianẹ ohwo da nọ ovwan ota, wa ta kẹ nẹ, Ọrovwohwo re guọnerọ; kọ yan jẹ ovwan vwo.

Iyẹnrẹ Esiri ri Jọn 20:16

Jesu da ta kẹ, Meri. Ọ de kuoma rhẹriẹ ọ da ta kẹ vwi Hibru, Raboni (otọ rọye oyono)

Matiu 26:49

Siẹvuọvo na o de ghwe bru Jesu rhe, o de yere, nẹ, Do, Onini, ọ da fiọnfiọn unu.

Matiu 26:19

Idibo na de ru kirobo ri Jesu ji ayen, ayen da rhuẹrẹ emu rẹ Ewanvrẹn na phihọ otọ.