Matiu 24:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie ẹgborho cha vwọ so ẹgborho, uvie cha vwọ so uvie, owẹvwe che fi, otọ che kpogho vwẹ asan buebu.

Matiu 24:7 Referans Kwoze

Iyẹnrẹ Esiri ri Luk 21:11

otọ che mu kpogho, owẹvwe che fi vwẹ asan buebu kugbe ọtiekọ; uguegue rode cha phia eka ride che nẹ odjuvwu rhe.

Ẹvwọphia 6:8

Me vwọ mrẹ, nighe, esi rọ vwara munẹ munẹ, e de se odẹ rẹ ọ rọ gua na nẹ Ughwu, Ushi da vwọ kpahọ ukuko; a da vwẹ ogangan kẹ ayen vwẹ enu rẹ akane rẹ akpọ na, rọ vwẹ ọlọkọ hwe kugbe owẹvwe kugbe ọtiekọ ji kugbe eranvwe re djoma vwẹ akpọ na.

Aizaya 19:2

Ke me kpare ihwo re Ijipt vwọ so ohwohwo ayen ke họnre, ọniọvo vwọ so oniọvo, ohwo kohwo ke họnre ọrivẹ rọye, orere vwọ so orere, uvie vwọ so uvie;

Zekaraya 14:13

Vwẹ ẹdẹ yena anegbe rode ko nẹ obọ re Ọrovwohwo rhe rhi she teye ayen, aye ohwohwo ke yọnrọn ohwohwo obọ, aye ohwohwo ke cha họnrọ ohwo.

Iruo rẹ Iyinkọn na 11:28

Ọvo vwẹ usun rayen na re se ode rọye Agabọs vwo mudia, Erhi na de muo vwọ mraro nẹ owẹvwe rode che fi vwẹ akpọ na ejobi; aroẹmre nana ghine sẹ vwẹ ọke rẹ Kladiọs.

2 Ikun rẹ Ivie 15:6

Ayen da rhe hra ẹkuẹko, ẹgborho vwọ so ẹgborho orere vwọ so orere, kidie Ọghẹnẹ da vwẹ oghẹre koghẹre rẹ emiavwe vwo mu ayen.

Ẹvwọphia 6:12

Ọke re vwo novie usiaphrẹ resan, mi vwo ni, nighe, otọ rode de rhi kpogho; ọnre de rhi bi kerẹ ubi, emeranvwe rọ vẹgbẹ da họhọ ọbara,

Hibru 12:27

Ephẹrẹ nana, Kẹ ẹsiẹvo ri chekọ na, dje phia nẹ e che si obo ri kpogho no, kọye hẹ obo ra mare, rere obo ri je kpogho vwọ daji.

Izikiẹl 21:27

Eghwọrọ, eghwọrọ, eghwọrọ, mi che ruo; omogẹngẹn rọye che chekọ-ọ bẹsiẹ re ọ ro vwo asan na cha vwọ rhe, ọye me cha vwọ kẹ.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Iruo rẹ Iyinkọn na 2:19

Ke me cha vwẹ igbunu phia vwẹ obo odjuvwu eka buebu ke cha phia vwẹ akpọ na, ọbara, kugbe erhanre, kugbe ighworighwo rẹ ivwirhi;

Aizaya 29:6

Ọrovwohwo rẹ otuofovwi na kọ vwẹriẹ akuọrha wẹn vẹ agbrara te otọ ro kpogho kugbe edo rode, vẹ ogiribo kugbe odju vẹ erhanre rọ la rọ ghwọrọ.

Ẹvwọphia 6:5

Ọke ro vwo novie usiaphrẹ rerha, mi de nyo eranvwe ọkpokpọ rerha rọ tanẹ, Yanrhe! Me vwọ mrẹ, nighe, esi obiebi, kugbe ohwo rọ gua ro vwo ovwanvwọn vwẹ obọ;

Ẹvwọphia 6:6

mi de nyo obo re họhọ urhuru vwẹ uherevie rẹ eranvwe ekpokpọ ẹne na re tanẹ, Uchunu rẹ ọka ikọba, uchunu rẹ irosu erha ikọba, ẹkẹvuọvo evwri vẹ udi re herọ e miovwẹ aye-en.