Matiu 24:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ọ da dianẹ ayen ta kẹ ovwan nẹ, Nighe, ọ hẹ evun rẹ aghwa; wọ ra-a, Nighe, ọ hẹ evun rẹ uvun, wo segbuyota-a.

Matiu 24:26 Referans Kwoze

Aizaya 40:3

Urhuru de kperi. Vwẹ evun rẹ aghwa, rhuẹrẹ idjerhe rẹ Ọrovwohwo, ru idjerhe rode phiọnphiọn phihọ evun rẹ aton kẹ Ọghẹnẹ rẹ avwanre.

Iruo rẹ Iyinkọn na 21:38

Wọ dia ohwo rẹ Ijipt, ro gbe ozighi dẹvọ na ro de sun ihwo uriori ẹne izighẹ kpo obo evun rẹ aghwa?

Matiu 3:1

Vwẹ ọke yena Jọn ri Baptist da rhe ko ghwoghwo iyẹnrẹ esiri na vwẹ aghwa ri Judia, ọ da ta nẹ,

Matiu 24:25

Nighere me ta kẹ ovwan jovwo tavwe rẹ ọke na ki rhi te.

Matiu 24:27

Kidie kirobo rẹ enu nyavwaro vwẹ obaro ọnre rẹ ihwo rẹ obuko ọnre da vwọ mrẹ orẹ na, ọtiọye ẹcha rẹ ọmọ rẹ ohwo cha dia.