Matiu 24:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ẹkẹvuọvo ihwo ri se chirako te oba, kẹ eye re cha rhọ.

Matiu 24:13 Referans Kwoze

Matiu 10:22

Ihwo ke cha jẹ ovwan eghrẹ fiki mẹ; ẹkẹvuọvo ọ ro se chirako ri te oba, kọye re cha rhọ

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Iyẹnrẹ Esiri ri Mak 13:13

Ihwo ejobi cha jẹ ovwan eghrẹ vwi fiki rẹ odẹ mẹ; ẹkẹvuọvo ohwo ro se chirako ri te oba, ọye re cha rhọ.

Hibru 10:39

Ẹkẹvuọvo avwanre dia otu ri siẹoma reyọ a ghwọrọ aye-en, ẹkẹvuọvo ayen otu ri segbuyota re sẹro rẹ ẹnwẹn rayen.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

1 Kọrẹnt 1:8

rọ cha yọnre ovwan rhi te oba, rere we vwo jẹ abe-ẹriọ vwẹ ẹdẹ rẹ ẹcha rẹ Ọrovwavwanre Jesu Kristi.

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

Matiu 24:6

We che nyo umri rẹ ofovwi kugbe edo rẹ ofovwi. We jẹn udu bru ovwa-an, kidie enana ejobi cha wan vrẹn; ẹkẹvuọvo je oba na ji te-e.

Matiu 24:12

Fiki rẹ imwemwu buebu re cha rhe akpọ na, ẹguọnọ rẹ ihwo buebu ki che djiro.

Iyẹnrẹ Esiri ri Luk 21:19

Akoechiro wẹn wọ cha vwọ mrẹ arhọ wẹn reyọ.