Matiu 23:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ovwan sẹ ohwo ọvuọvo ọsẹ vwẹ akpọ na-a; Kidie ohwo ọvo ọye ọsẹ rẹ ovwan rọ hẹ obo odjuvwu.

Matiu 23:9 Referans Kwoze

1 Jọn 3:1

Nighe didi ẹguọnọ Ọsẹ na vwo kẹ avwanre, rere e vwo se avwanre emọ rẹ Ọghẹnẹ; kẹ ọtiọye avwanre epha. Fiki rẹ ọtiọye na akpọ na rha riẹn avwanre-e, fikiridie ọ je riẹ-ẹn.

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Matiu 7:11

Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ?

1 Kọrẹnt 4:15

Dede nẹ ovwan vwo ihwo buebu ri suẹn ovwan vwi Kristi, yẹ ovwan vwo esẹ buebu-u. Kidie mẹvwẹ kẹ ọsẹ rẹ ovwan vwi Kristi Jesu vwẹ oma rẹ iyẹnrẹ esiri na.

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Iruo rẹ Iyinkọn na 22:1

Imoni kugbe esẹ, we nyo ẹdjọ rẹ unu mẹ ri mi che gu kẹ ovwan.

Ivie rẹ Ivẹ 2:12

Ilaesha da mrẹ, o de kperi phia, Ọsẹ mẹ, Ọsẹ mẹ! akpẹrẹ rẹ Izrẹl vẹ ẹdjẹ-iyesi rọye! Ọ gbe mrẹ ọfa-a. Etiyin ọ da reyọ emwa rọye ọ da bẹrẹ ayen ẹbẹbẹre.

Matiu 6:32

Kidie emu nana ejobi otu rẹ egedjọ na guọnọ ayen. Ẹkẹvuọvo Ọsẹ rẹ ovwan rọ hẹ obo odjuvwu riẹre nẹ ovwan guọnọ ayen.

Ivie rẹ Ivẹ 13:14

Asakiephana ọke rẹ Ilaesha vwọ họnvwan ọga ro che vwo ghwẹ, Joash ovie rẹ Izrẹl de bro ra, ọ da viẹ vwẹ obaro rọye, tanẹ, Ọsẹ mẹ, ọsẹ mẹ ekpẹrẹ rẹ Izrẹl kugbe ituofovwi rọye.

Ivie rẹ Ivẹ 6:21

Ọke rẹ ovie rẹ Izrẹl vwọ mrẹ ayen re ọ da ta kẹ Ilaesha, Ọsẹ me, mi hwe ayen? Mi hwe ayen?

Matiu 23:10

We jẹ ohwo se ovwan onini-i; Kidie ohwo ọvo ọye hẹ onini rẹ ovwan, ohwo yena hẹ Kristi.