Matiu 23:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Nighe, ayen mi kru oghwa ọhọhọhọ kpahe igabọ rẹ ihwo efa, yẹ ayen cha vwẹ obọ te-e.

Matiu 23:4 Referans Kwoze

Iyẹnrẹ Esiri ri Luk 11:46

Ọ da ta, Ekan je kẹ ovwan ẹriẹn urhi nai! kidie ovwan kru eghwa ehọhọhọ re bẹn ẹghwa nyẹ ihwo efa, ẹkẹvuọvo wa vwẹ urhiabọ ọvo rẹ ovwan dede vwo te-e.

Iruo rẹ Iyinkọn na 15:10

Asakiephana kidie ovwan vwọ davwẹ Ọghẹnẹ nẹ rẹ ovwan vwo kru oghwa nyẹ ohore rẹ idibo na rẹ esẹ rẹ avwonre eyẹ okpuyovwi rẹ avwanre sa ghwa-a?

Galesha 6:13

Kidie ekpuyovwi rẹ ayen otu re yanvwere na dede je sa yọnre urhi na-a, ẹkẹvuọvo ayen guọnọre nẹ ovwan yanvwe rere ayen vwọ vwo ejiro vwẹ ugboma wẹn.

Matiu 23:23

Ekan kẹ ovwan otu rẹ isiẹbe kugbe Farisi, evwọrọn efian! ovwan nenesi rẹ emu fanfaurhiẹ, we mi gbobọnyẹ emu ro fori, eta re urhi, ẹdjeguo, aruẹdọn kugbe esegbuyota; enana fobo ru we ru jovwo, we de gbobọnyẹ ayen.

Ẹvwọphia 2:24

Ẹkẹvuọvo ovwan ihwo ri chekọ vwi Taetira, re yọnrọn uyono nana-a na, re je riẹn obo rẹ otu ẹvo se nẹ emu ikokodo rẹ Idẹbono na-a, ovwan kọye me ta na, mi rhe kru oghwa ọfa nyẹ ovwa-an;

Iruo rẹ Iyinkọn na 15:28

Kidie o yoma kẹ Erhi Ọfuanfon vẹ avwanre nẹ e kru oghwa ọhọhọ nyẹ ovwan vwẹ imu nana-a.

Aizaya 46:1

Bel gbe uyovwi otọ, Nebo rhuenri, ẹdjọ rayen eranvwe vẹ uchuru, imu nana ri wo mu ghwa na e pha tẹgbẹ kerẹ oghwa rọ he enu rẹ eranvwe re oghwa bẹn.

Matiu 23:3

Kemu kemu rẹ ayen tanẹ ovwan ru, we ru ayen, wa nabọ vwẹ ẹro te ayen; ẹkẹvuọvo wa vwẹ ẹro kere aye-en, kidie obo rẹ ayen ta san, yẹ ọ rẹ ayen ruẹ san.

1 Jọn 5:3

Kidie Ọnana hẹ ẹguọnọ rẹ Ọghẹnẹ na nẹ, avwanre yọnrọn irhi rọye. Yẹ irhi rọye na ghwa họhọ-ọ.