Matiu 22:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ẹkẹvuọvo ayen sere gbe emu-u, ayen da yanran kpo asan ro je ayen, ọvo kpo aghwa rọye, ọfa kpo eki rọye.

Matiu 22:5 Referans Kwoze

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

2 Timoti 3:4

ke shẹ ihwo, zighi zighi, ke vọn vẹ ophiẹvwe, ke guọnọ omavwerhe jẹ ẹguọnọ rẹ Ọghẹnẹ vwo,

Ọbe ri Pọl si rhe Ihwo ri Rom 8:6

Ra vwẹ iroro kpahe ugboma kẹ ughwu, ẹkẹvuọvo ra vwẹ iroro kpahe Erhi hẹ arhọ vẹ ufuoma.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Iruo rẹ Iyinkọn na 24:25

Rọ vwọ phra kpahe ọsoso kugbe oma-ẹnyẹ kugbe ẹdjọeguo rọ cha, Fẹliks de guegue ọ da ta, Yanran tavwe; me da mrẹ uphẹn mi che se we.

Iruo rẹ Iyinkọn na 2:13

Ẹkẹvuọvo otuẹvo ke vwẹ ayen jehwẹ nẹ, udi ọkpokpọ ri mu ayen.

Matiu 13:22

Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Isẹ 1:7

Oshọẹdjẹ rẹ Ọrovwohwo ọye ẹtuọhọ rẹ erianriẹn: ẹkpa kọye re jẹ uyono vẹ aghwanre kuẹfia.

Jẹnẹsis 25:34

Jekọp da vwẹ ikara kugbe ukodo rẹ ifọn vwọ kẹ Isọ, ọ da re ọ da da, o vreri ọ da yanran. Kẹnẹ Isọ ni ọkpako rọye saka.

Jẹnẹsis 19:14

Etiyin Lọt da yan phia ra vuẹ egọ rọye nẹ, We vrẹn jọphẹre, ru we vrẹn nẹ etinẹ na, kidie Ọrovwohwo cha ghwọrọ orere na. Ẹkẹvuọvo egọ rọye da vwẹ ota na roro ehwẹjẹ.

Matiu 22:4

Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Matiu 22:6

I ri chekọ de shabọ phihọ idibo na, ayen de gbe oja kẹ ayen re, ayen de hwe evo.

Iyẹnrẹ Esiri ri Jọn 2:16

Ọ da ta kẹ otu re shẹ ilekuku na, Si imu nana nẹ etinẹ; wo vwẹ uwevwi rẹ Ọsẹ mẹ vwo ruẹ uwevwi rẹ eki-i.

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.