Biblia Todo Logo
Bib sou entènèt

- Piblisite -




Matiu 22:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

16 Ayen de ji idibo rẹ ayen kugbe otu ri Hẹrodias bro ra ayen da ta nẹ, Oyono, avwanre riẹnre nẹ wẹ ohwo rẹ uyota, wo ji yono idjerhe rẹ Ọghẹnẹ rẹ uyota, ye wọ je davwerhọn rẹ ohwo-o. Kidie wo nẹ ikparo rẹ ohwo-o.

Gade chapit la Kopi




Matiu 22:16
36 Referans Kwoze  

Siẹvuọvo na otu ri Farisi vẹ Herodian da ghwa yanran ra gba ẹguare obo rẹ ayen ru vwo hwe.


Ayen da nọ, Oyono, avwanre riẹnre nẹ wọ ta wo ji yono yoyovwi, wọ ghwẹ oma hẹ abọvo-o, ẹkẹvuọvo wo yono idjerhe rẹ Ọghẹnẹ na vwẹ ọ rẹ uyota.


Ayen da rhe rhe ta kẹ, Oyono, avwanre riẹnre nẹ wọwẹ ohwo rẹ uyota, wọ kerhọn rẹ ohwo-o; kidie wo nẹ ikparo rẹ ohwo ọvuọvo-o, ẹkẹvuọvo wo nabọ yono idjerhe rẹ Ọghẹnẹ na; O fori re a jẹ arhọghọ kẹ Siza, gbenẹ a jẹ-ẹ?


Ọ da phẹphẹ ayen unu, tanẹ, Ovwan kẹnoma kpahe iphuephu re emu ri Farisi vẹ iphuephu rẹ Herọd.


Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.


Pailet da ta kẹ, Ọtiọye na wẹ kẹ ovie? Jesu da kpahe, We rẹ tare nẹ mẹvwẹ ovie. Kidie ọnana e vwo vwiẹ vwẹ, je vwi fiki rẹ ọnana me vwọ rhe akpọ na, rhi se oseri kẹ uyota na. Kohwo kohwo rọ dia ọ rẹ uyota na ko nyo urhuru mẹ.


Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.


Ọ rọ vwẹ ogangan robọ rọye ta ota yọ guọnọ urinrin robo rọye; ẹkẹvuọvo ọ rọ guọnọ urinrin rẹ ohwo ro jiro rhe yẹ ọye ohwo rẹ uyota, kaka efian rhere-e.


Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.


Ẹkẹvuọvo kirobo rẹ Ọghẹnẹ sanọ avwanre reyọ na rọ da vwẹ iyẹnrẹ esiri na gba avwanre obọ na, kẹ ọtiọye avwanre ghwoghwo, ọ dianẹ re o vwo je ihwo-o, ẹkẹvuọvo ro vwo je Ọghẹnẹ rọ davwa udu nẹ.


Ẹkẹvuọvo, ihwo ẹvo re tanẹ ayen rhoro (yẹ eyena fi emuọvo kẹ vwẹ-ẹ, Ọghẹnẹ ni ikparo rẹ ohwo-o)–ihwo yena, me ta, ri kperi usi na vwẹ emuọvo ba kẹ vwẹ-ẹ.


Ugbeyan rẹ ihwo me guọnọ dia vwo, gbenẹ ugbeyan rẹ Ọghẹnẹ? Eyẹ me guọnọ re mi ru obo ri je ihwo? Mi de ru obo ri je ihwo ye me gbe dia odibo ri Kristi-i.


Vwẹ ọtiọye na, kẹ etinẹ ara re, vwẹ ẹbẹre rẹ ohwo rẹ akpọ avwanre gbi se ohwo ọvuọvo gbe emu-u; dede na ọtiọye avwanre ji ji Kristi ese gbe emu vwẹ ẹbẹre rẹ ohwo rẹ akpọ, avwanre rha reyọ phihọ ọtiọye ọfa-a.


Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.


Kidie avwanre rha họhọ ihwo buebu, re shẹ ota rẹ Ọghẹnẹ-ẹ; ẹkẹvuọvo kerẹ ihwo rẹ uyota, rẹ Ọghẹnẹ ji uwevwi, vwẹ obaro rẹ Ọghẹnẹ evun ri Kristi avwanre da ta ota na.


Jesu da kpahe ta kẹ, Saimọn, Mi vwo ota re me ta kẹ wẹ. Ọ da kpahe, Oyono, gba ta.


Rọ vwọ yanran vwẹ idjerhe na, ohwo ọvo da djẹ bro ra, rhi diguẹ kẹ, ọ da nọ, Oyono, rẹ esiri, die mi ru mi vwo vwo arhọ ri bẹdẹ na?


Siẹvuọvo na o de ghwe bru Jesu rhe, o de yere, nẹ, Do, Onini, ọ da fiọnfiọn unu.


Ọ da ta nẹ, yanran kpo evun rẹ orere na bru oghẹre rẹ ohwo ọtiọna, re wọ ta kẹ nẹ, Oyono tare nẹ, Me cha re emu rẹ Ẹwanvrẹn na vwẹ uwevwi wẹn kugbe idibo mẹ.


Ọtiọye ji te ọrerha, rhiri rhi te ọrighwrẹ.


Oyono, Mosis tare nẹ, Ohwo de ghwu ro vwiẹri-i, oniọvo rọye ko reyọ aye rọye, rere o vwiẹ kẹ oniọvo rọye na.


kọye mi de ru we kueku, me da vwẹ owẹ gbe otọ kẹ ihwo buebu mrẹ, fikiridie wọ nene idjerhe mẹ-ẹ ẹkẹvuọvo abọ ọvo kọye uyono wẹ nuẹ nene.


Uyono rẹ uyota da hẹ unu rọye, a mrẹ efian vwẹ unu rọye-e. O nabọ yan nene uvwe vwẹ ọsoso vẹ ufuoma, o de si ihwo buebu nẹ orukuruku rayen.


Ohwo rọ vwẹ ọphiẹvwe jirẹ ọrivẹ rọye ọ vwẹ ariri tan hẹrhẹ awọ rọye.


Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.


Kohwo kohwo vwọrọn efian kẹ ọrivẹ rọye; avwavwe ebro kugbe ẹrenvwe ivivẹ udu rayen vwọ ta ota.


Kidie o vwo uyota vwẹ unu raye-en, udu rayen ẹghwọrọ, upho rayen rhie phihọ ghwroro kere ushi, ayen vwẹ unu rayen bru avwavwe.


Ẹkẹvuọvo Maikaya da ta, Kirobo rẹ Ọrovwohwo vwọ herọ na, obo rẹ Ọrovwohwo ta kẹ vwẹ, ọye Me ta.


ọ rọ ta kpahe ọsẹ vẹ oni rọye nẹ, Me kerhọ raye-en, ọ sen iniọvo rọye, o de chuko ku emọ rọye; Kidie ayen vwẹ ẹro te ota wẹn, ayen da yọnrọn ọphọ wẹn na.


Ayen de ji ẹvo vwẹ Farisi kugbe otu rẹ Herọd bro ra, rere ayen vwọ mrẹ asan vwẹ ota rọye muo.


Swiv nou:

Piblisite


Piblisite