Matiu 22:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Idibo na da ghene yanran kpo idjerhe ride na, ayen de se ohwo kohwo rẹ ayen mrẹre, i ri mioma te i ri yoma; asan orẹ na da rhe vọn vẹ erhorha.

Matiu 22:10 Referans Kwoze

Ẹvwọphia 7:9

Rẹ ọna vwọ wan nu mi vwo ni, me da mrẹ urogho rẹ ihwo buebu rẹ unu se keri-i, ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe, ri mudia vwẹ obaro rẹ ekete na kugbe obaro rẹ Omogodẹ na, re vwẹ emwa efuanfon rhuo, vẹ ewanvwe vwẹ abọ rayen,

1 Jọn 2:19

Uherevie rẹ avwanre na ayen nu yanran, ẹkẹvuọvo ayen dia ẹvo vwẹ usun rẹ avwanre-e; ọ dianẹ usun rẹ avwanre ayen epha nọ, manẹ ayen djẹ jẹ avwanre vwo-o; ẹkẹvuọvo ayen yanran re, kọye djere phia nẹ ayen ghine dia ẹvo vwẹ usun rẹ avwanre-e.

2 Kọrẹnt 12:21

Oshọ mu uvwe nẹ ọke me da rhoma rhe Ọghẹnẹ mẹ gbe ru uvwe vwọ vwẹ oma kpotọ vwẹ obaro rẹ ovwan, ki mi rhe che muoma phihọ kẹ ayen otu buebu ri ru umwemwu jovwo yẹ ayen ji kurhẹriẹ nẹ ijẹfuọn, ọfaurhiẹ, kugbe ozighi rẹ ayen gbe.

Matiu 25:10

Ọke rẹ ayen vwọ yanran ra dẹ nu, ọpha na da rhe vwẹ obuko rayen; ikọpha ri vwo urhukpẹ na vẹ ọye da ro uwevwi rẹ orẹ na; ẹchẹ na de huhu.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,

Matiu 13:38

Udju na vwenẹ kẹ akpọ na; emamọ esiri na kọye hẹ emọ rẹ uvie na; ẹgo na kẹ emọ rẹ idẹbono;

Matiu 9:15

Jesu da ta kẹ ayen nẹ, Kẹ ikopha se chiri owẹvwe vwẹ ọke rẹ ọpha na vẹ ayen da herọ? Ẹkẹvuọvo ọke cha ra da vwẹ opha na yanran kẹsiẹye owẹvwe ki rhi hwe ayen.

Matiu 22:9

Ovwan yanran kpo idjerhe ride na, re ohwo kohwo rẹ ovwan mrẹre, we se ayen rere ayen rhe re emu mẹ na.