Matiu 21:44 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁴ Ohwo ro she teyọ oragha nana kọ guọghọ yẹghẹyẹghẹ; ẹkẹvuọvo oragha na de she nyẹ ohwo kọ guọghọ ivwivwuvwu.

Matiu 21:44 Referans Kwoze

1 Pita 2:8

kugbe, Oragha rọ cha kprọ ihwo awọ, oragha rọ cha nẹrhẹ ayen she; ọ cha kprọ ayen awọ fikiridie ayen mu ọghọ kẹ ota na-a, kirobo re rhiẹ ayen phihọ nẹ ayen ru.

Ọbe ri Pọl si rhe Ihwo ri Rom 9:33

kirobo re siro, Nighere, me ra reyọ uchivwo vwo mu vwi Zayọn rọ cha nẹrhẹ ihwo yẹnghrẹ uchivwo rọ nẹrhẹ ayen she ọ ro sere gbuyota oma gbe sa vuọ-ọ.

Iyẹnrẹ Esiri ri Luk 20:18

Kohwo kohwo ro she teye oragha yena ko vwirhi ibribro; ẹkẹvuọvo o de rhe she nyẹ ohwo kọ guọghọ vworo vworo.

Matiu 27:25

Ayen da kpahe ta nẹ, Ọbara rọye dia enu rẹ uyovwi rẹ avwanre vẹ emọ rẹ avwanre.

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.

Matiu 26:24

Ọmọ rẹ ohwo cha yanran, kirobo re siro kpahọ; ẹkẹvuọvo ekan kẹ ohwo yena ra wan oma roye shẹ! o gbi fo rere e vwiẹ ohwo yena jovwo-o.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Iyẹnrẹ Esiri ri Jọn 19:11

Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.

Aizaya 60:12

Kidie ẹgborho na vẹ uvie na re ga we-e na ke ghwọrọ kufia, ẹgbọrho yena ke ghwọrọ kufia tototo.

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

Une rẹ Ejiro 2:9

Wọ vwẹ ọkpọ rẹ utehru vwo vwirhi ayen, ku wọ ghwọrọ ayen vworo vworo kerẹ ema rọ mẹma na.

Aizaya 28:13

Vwẹ ọtiọye na kẹ enẹ ota rẹ Ọrovwohwo cha dia kẹ ayen urhi kpahe urhi, urhi kpahe urhi, usi vwọ kpahe usi, usi kpahe usi, etinẹ emerha, etiyin emerha, rere ayen vwọ yanran, re she kpuko, kẹ ayen vwirhi, ufi ko mu ayen, ke mu ayen reyọ.

Matiu 21:43

Eriyin na me ta kẹ ovwan nẹ, Ke che mie ovwan uvie rẹ Ọghẹnẹ na, ka vwọ kẹ ẹgborho ọfa, ro sa vwẹ emamo esiri phia vwẹ ọke rọye.

Matiu 21:45

Ọke rẹ ilori rẹ irherẹn na kugbe otu ri Farisi vwo nyo itẹ nana, kẹ ayen roro nẹ ayen ọ ta kẹ.

Iyẹnrẹ Esiri ri Luk 2:34

Simiọn da nẹ ẹrhovwo kẹ ayen ọ da ta kẹ Meri oni rọye Nighe, ọmọ na vwenẹ e vwiẹrẹ kẹ eshe vẹ evrẹn rẹ ihwo buebu vwẹ Izrẹl, kugbe oka rẹ buebu cha ta ota kpahe