Matiu 21:43 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴³ Eriyin na me ta kẹ ovwan nẹ, Ke che mie ovwan uvie rẹ Ọghẹnẹ na, ka vwọ kẹ ẹgborho ọfa, ro sa vwẹ emamo esiri phia vwẹ ọke rọye.

Matiu 21:43 Referans Kwoze

Matiu 21:41

Ayen da ta kẹ nẹ, Kọ guọghọ eghwẹrẹ na ibribro, kọ reyọ ogba na vwọ kẹ ihwo efa, re sa reyọ emamọ vwo rhe vwẹ ọke ororo rọye.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Iyẹnrẹ Esiri ri Jọn 3:3

Jesu da kpahe kẹ, Uyota, uyota, me ta kẹ wẹ, jokpa nẹ e rhivwi vwiẹ ohwo-o, o sa mrẹ Ọghẹnẹ-ẹ.

Iyẹnrẹ Esiri ri Jọn 3:5

Jesu da kpahe, Uyota, uyota, me ta kẹ owẹ, jokpa nẹ e rhivwi vwiẹ ohwo vwẹ ame kugbe Erhi-i, ọ sa ro uvie rẹ Ọghẹnẹ-ẹ.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 28:2

Nighe, Ọrovwohwo na vwo ọvo rọ dia ọgba rọ ganre; kerẹ ogiribo rẹ osio rẹ elalọ aphopho rọ ghwọrọ, kerẹ aphopho rode, ame ro kuẹ reghe reghe, gidi gidi na ọ cha vwọ ghwiotọ.

Ẹyano 19:6

ku wọ cha dia uvie rẹ irherẹn kẹ vwẹ orho ọfuanfon. Enana keye eta ru wọ ta kẹ emọ rẹ Izrẹl na.

1 Kọrẹnt 13:2

Mi de vwo ogangan rẹ aroẹmrẹ, mi de vwo ẹruọ rẹ igbunu ejobi kugbe erianriẹn ejobi, ọ da dianẹ mi vwo esegbuyota, ro se ghwie ugbenu, ẹkẹvuọvo yi mi vwo ẹguọnọ-ọ, yo mẹvwẹ ohwo diodi.

Matiu 12:28

Ẹkẹvuọvo o da dia Erhi rẹ Ọghẹnẹ me vwọ djẹ idẹbono, yẹ uvie rẹ odjuvwu te ovwan oma re.

Matiu 21:42

Jesu da ta kẹ ayen nẹ, Ovwan ji se vwẹ ẹbe ọfuanfon na, Oragha rẹ ihwo re bọn uwevwi senre, Kọye ri hirhe phihọ omamọ rẹ uchivwo vwẹ ubienyẹ. Ọnana iruo rẹ Ọrovwohwo, Ọ da dia igbunu vwẹ ẹro re avwanre.

Matiu 21:44

Ohwo ro she teyọ oragha nana kọ guọghọ yẹghẹyẹghẹ; ẹkẹvuọvo oragha na de she nyẹ ohwo kọ guọghọ ivwivwuvwu.