Matiu 21:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Ayen da ta kẹ nẹ, Kọ guọghọ eghwẹrẹ na ibribro, kọ reyọ ogba na vwọ kẹ ihwo efa, re sa reyọ emamọ vwo rhe vwẹ ọke ororo rọye.

Matiu 21:41 Referans Kwoze

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

Matiu 21:43

Eriyin na me ta kẹ ovwan nẹ, Ke che mie ovwan uvie rẹ Ọghẹnẹ na, ka vwọ kẹ ẹgborho ọfa, ro sa vwẹ emamo esiri phia vwẹ ọke rọye.

Iruo rẹ Iyinkọn na 28:28

Gbe jẹn ovwan riẹn ọnana nẹ esivwo rẹ Ọghẹnẹ na e vwiro rhe otu ri Keferi nure, ayen cha kerhọn.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.

Iruo rẹ Iyinkọn na 28:8

Da yẹ ọsẹ ri Pọbliọs na ra mwa ọga rẹ evuekuo vẹ odo, Pọl da ra mrẹ ọ da nẹ ẹrhovwo kẹ, rọ vwọ ghwẹ obọ kpahọ o de sivwo.

Iruo rẹ Iyinkọn na 15:7

Rẹ ayen vwọ phra aphro rẹ ota na krekri re, Pita de vrẹn ọ da ta kẹ ayen, Imoni, ovwan riẹnre nẹ ẹtuọhọ rhe Ọghẹnẹ da jẹ ihwo reyọ vwẹ ohri rẹ ovwan, nẹ ihwo ri Keferi na wan unu mẹ nyo ota rẹ iyẹnrẹ esiri na re ayen segbuyota.

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Zekaraya 13:8

Vwẹ otọ na ejobi, Ọrovwohwo tare, a cha gharọ ẹkẹn erha ra da ghwọrọ e che bru ẹkẹn ivẹ no, ẹkẹn ọvo kọye cha rhọ

Zekaraya 12:12

Otọ che muomahọ, ekru ọvuọvo kẹ oma rọye, ekru rẹ uwevwi ri Devid kẹ oma rọye, te eya rayen kẹ oma rayen; ekru rẹ uwevwi ri Netan ke oma rọye, te eya rayen ke oma rayen;

Daniẹl 9:26

Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Une rẹ Ejiro 2:9

Wọ vwẹ ọkpọ rẹ utehru vwo vwirhi ayen, ku wọ ghwọrọ ayen vworo vworo kerẹ ema rọ mẹma na.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Matiu 21:34

Ọke rẹ ororo vwo te re, o de ji odibo rọye bru ayen ra ra kọrọ emamo rẹ udju na rhe.

Matiu 21:40

Ọke rẹ ọ ro vwo ogba na de nyo komavọ o ru otu rẹ eghwẹrẹ na?

Iyẹnrẹ Esiri ri Luk 20:16

Kọ rhe rhe ghwọrọ ihwo yena, kọ vwẹ ogba ri vain na kẹ ihwo efa. Ọke rẹ ayen vwo nyo ọnana, ayen da ta, Ọghẹnẹ gha!