Matiu 21:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ẹkẹvuọvo avwanre da ta nẹ, Ọ rẹ ihwo, ọshọ rẹ ihwo buebu na mu avwanre, kidie ihwo na ejobi rhọvwere nẹ Jọn ghine hẹ ọmraro.

Matiu 21:26 Referans Kwoze

Iyẹnrẹ Esiri ri Mak 6:20

Kidie Herọd djẹ oshọ ri Jọn ọ riẹnre nẹ ọvwata kugbe ohwo rọ fonro o ruẹ, ọ da sẹro rọye egberhẹnẹdẹ. Ọkẹ ro vwo nyo, ọ da dia gedegede; dede na o de nyo ota rọye vẹ aghọghọ.

Iyẹnrẹ Esiri ri Jọn 5:35

Ọye hẹ urhukpẹ rọ la ro lo, ovwan da rhọvwe ghọghọ emerha vwẹ urhukpẹ rọye.

Matiu 21:46

Ayen da guọnọ muo, yẹ oshọ rẹ otu buebu na gbi jẹ ayen ruo-o, kidie ayen riẹnre nẹ ọmraro o ruẹ.

Matiu 14:5

Ọ da guọnọ hwe, oshọ ko muo, fikiridie ihwo na ejobi rhọvwere nẹ ọmraro o ruẹ.

Matiu 11:9

Ẹkẹvuọvo kidie ovwan tobọ re ni? emraro? E, Me ta kẹ ovwan nẹ, ọ rọ rho nẹ ọmraro.

Iruo rẹ Iyinkọn na 5:26

Etiyin onotu na vẹ iruiruo na da ra reyọ ayen rhe dẹndẹn, vẹ oshọ rẹ ihwo na de rhe phi ayen hwe.

Iyẹnrẹ Esiri ri Jọn 9:22

Ọsẹ vẹ oni rọye ta ọnana fikiridie ayen djẹ oshọ rẹ ihwo ri Ju, kidie ihwo ri Ju ejobi rhọvwe kugbe nẹ ohwo ọvo da rhọvwe nẹ ọye ghine Kristi na, ayen ke djẹ nẹ evun ri sinagọg na.

Iyẹnrẹ Esiri ri Luk 22:2

Ilori rẹ irherẹn kugbe isiẹbe na ke guọnọ obo rẹ ayen ru hwe ghwu; kidie oshọ rẹ ihwo na mu ayen.

Iyẹnrẹ Esiri ri Luk 20:19

Isiẹbe na kugbe ilori rẹ irherẹn na da guọnọ shabọ phihọ vwẹ unọke yena ọvuọvo na, ẹkẹvuọvo oshọ rẹ ihwo na de mu ayen; kidie ayen vwẹ omoma riẹn nẹ o kpe itẹ nana kpahe ayen.

Iyẹnrẹ Esiri ri Luk 20:6

Ẹkẹvuọvo avwanre da ta, Obo rẹ ihwo, ihwo na ejobi phi avwanre hwe; kidie o mu ayen ejobi ẹro nẹ Jọn ọmraro.

Iyẹnrẹ Esiri ri Mak 12:12

Ayen ke guọnọ muẹ ẹkẹvuọvo oshọ re otu na de mu ayen, kidie ayen rori nẹ o kpe itẹ na kẹ ayen; ayen da yan jovwo yanran.

Iyẹnrẹ Esiri ri Mak 11:32

Ẹkẹvuọvo avwanre da ta obọ rẹ ihwo avwanre jẹ djẹ oshọ rẹ ihwo; kidie ihwo na ejobi riẹnre nẹ Jọn ghine ọmraro rẹ uyota.

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Matiu 21:11

Ihwo na da ta nẹ, Ọnana ọmraro na, Jesu rẹ ohwo ri Nazarẹt ri Galili.

Matiu 21:25

Ame ẹreyọ ri Jọn ri Baptist tivọ o nurhe? obo odjuvwu gbenẹ ọ rẹ ihwo? Ayen ki roro ota na vwẹ udu rayen nẹ, avwanre da ta nẹ obo odjuvwu; kọ ta kẹ avwanre nẹ, Kidie ovwan gbi segbuyota-a.

Matiu 21:27

Ayen da kpahe kẹ Jesu nẹ, Avwanre riẹnre-e. Ekpuyovwi rọye da kpahe kẹ ayen nẹ, ye me gbe je ta ogangan ri mi vwo ruẹ imu nana kẹ ovwa-an.