Matiu 21:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Rọ vwọ mrẹ urhe rẹ owe vwẹ orhoma rẹ idjerhe, o de te esiri rọye, ọ mrẹ emuọvo vwẹ enu rọye-e; jokpa rẹ ẹbe ọvo; ọ da ta kẹ nẹ, Ohwo ọvuọvo gbe sa re ubi wẹn bẹdẹ-ẹ.

Matiu 21:19 Referans Kwoze

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Iyẹnrẹ Esiri ri Jọn 15:6

Ohwo rọ rha herọ vwẹ evun mẹ-ẹ, ya fianrọ kufia kerẹ oghọn kovwioro; ka kua eghọn na koko, ka kpare ayen phihọ erhanre ke torhẹ.

Iyẹnrẹ Esiri ri Luk 3:9

Asakiephana ushurhe ọ hẹ otọ rẹ irhe na re; urhe kurhe rọ gbe mọ emamọ esiri-i ke she teye otọ ke muo phihọ erhanre.

Iyẹnrẹ Esiri ri Jọn 15:2

Ọghọn koghọn mẹ rọ mọ ubi-i, ke sio no, oghọn koghọn mẹ rọ mọ ubi kọ rhuẹrẹ phihọ rere ọ vwọ mọ ibi buebu.

Iyẹnrẹ Esiri ri Mak 11:14

Ọ da ta kẹ urhe na nẹ, nẹ ọke nana yanran ohwo gbe sa re emamọ vwẹ enu wẹn ọfa bẹdẹ-ẹ. Idibo rọye de nyo.

Ẹvwọphia 22:11

Jẹn ohwo ro ruẹ umwemwu ru bẹsiẹye, ọ ro gbe inuhu e jo gbe bẹsiẹye, e jẹn ọvwata dia ọvwata rọye bẹsiẹye, kugbe ọ rọ fonro ghwa fon bẹsiẹye.

Ọbe ri Jud 1:12

Enana da rhe dia ekan vwẹ orẹ rẹ ẹguọnọ rẹ ovwan, vwẹ ọke rẹ ayen da vwẹ aroeyivwo gbe iknn rẹ ozighi kuẹgbe, rẹ ayen de nẹ oma rayen ọvo, enu ro biri yẹ osio rhọ re-e, rẹ odju muẹ yanran, irhe ri jẹ ẹmọ vwẹ ọke ororo, ri ghwuru asiava, re ghwie nẹ otọ;

2 Timoti 3:5

ri muẹ ofian rẹ ẹga haroma ẹkẹvuọvo yẹ ayen sian ogangan rọ herọ. Kẹnoma kẹ ihwo ọtiọye na.

Aizaya 5:2

O de brotọ kẹ ọ da sanọ ibiekpẹn nẹ o da vwẹ omamọ rẹ grep vwọ kọn, ọ da bọn uwevwi rẹ ohẹrhẹ phihọ uherevie rọye, ọ da kare okọ re de miẹn vain phihọ, ko rhẹro ne ọ cha mọ otieẹ ẹkẹvuọvo otiẹ rẹ erivwi kọye ọ mọre.

Jerimaya 8:13

Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Matiu 21:20

Ọke rẹ idibo na vwọ mrẹ, o de gbe ayen unu nẹ, Mavọ urhe rẹ owe na ghwe vwioro nu nanana?

Iyẹnrẹ Esiri ri Mak 11:20

Rẹ ayen vwọ wan vrẹn vwẹ irhiọke na, ayen da mrẹ urhe rẹ owe na ro lori nẹ otọ re duvwu enu.