Matiu 21:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ayen da ta kẹ nẹ, Wo nyo obo rẹ imitete na ta na? Jesu da ta kẹ ayen nẹ E; ovwan ji se dẹvo nẹ, Unu rẹ imitete ejiro da gba?

Matiu 21:16 Referans Kwoze

Une rẹ Ejiro 8:2

vwẹ unu rẹ imitete vẹ emọfofa, wọwẹ ke egbe fiki rẹ ivwighrẹ wẹn, re wo vwo fue ọvweghre kugbe ọreihri.

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Matiu 19:4

Ọ da kpahe ọ da ta nẹ, Ovwan ji se nẹ ohwo rọ ma ayen notọrhe ọshare vẹ aye a ma ayen?

Matiu 12:3

Ẹkẹvuọvo ọ da ta kẹ ayen nẹ, Ovwan ji se-e, obo ri Devid ruru vwẹ ọke rẹ owevwe vwo hwe kugbe ikru rọye-e;

Iyẹnrẹ Esiri ri Mak 2:25

Ọ da ta kẹ ayen, Ovwan ji se obo ri Devid ruru-u, rẹ ọke rẹ emu vwọ kanrọ rẹ owẹvwe vwo hwe, te ọye vẹ otu re vẹ ọye gba herọ;

Matiu 22:31

Ẹkẹvuọvo vwọ kpahe ekuoma rẹ evrẹnushi rẹ otu ri ghwuru, ovwan ji se obo rẹ Ọghẹnẹ tare nẹ,

Iyẹnrẹ Esiri ri Mak 13:17

Ẹkẹvuọvo ekan kẹ otu re mrevun kugbe otu re vwẹ ivie kẹ emọ vwẹ ẹdẹ yena!

Iyẹnrẹ Esiri ri Luk 21:23

E kperi eghwo vwọ kẹ otu ri vwo ọmọ kugbe otu re vwẹ evie kẹ vwẹ ẹdẹ yena! Kidie uvwerhe rode cha dia enu rẹ akpọ na ivuemiovwo kọ cha dia kẹ ihwo nana;