Matiu 21:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹkẹvuọvo ọke rẹ ilori rẹ irherẹn kugbe isiẹbe vwọ mrẹ emu rẹ igbunu ro ruru, kugbe imitete ri kperẹ Hozana kẹ ọmọ ri Devid vwẹ evun rẹ uwevwi rẹ ẹga na, ivun de miovwo ayen gangan.

Matiu 21:15 Referans Kwoze

Matiu 21:9

Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

Iyẹnrẹ Esiri ri Jọn 12:19

Farisi na da ta kẹ ohwohwo, Ovwan rha mrẹ nẹ ovwan se ru emuọvo-o; nighe, akpọ na re nene.

Iyẹnrẹ Esiri ri Jọn 11:57

Asakiephana ilori rẹ irherẹn kugbe Farisi ji urhi nẹ ohwo da ghwa riẹn asan rọ epha, o jẹn ayen riẹn, rere ayen mrasan muo.

Iyẹnrẹ Esiri ri Jọn 7:42

Ọ dianẹ ọbe ọfuanfon na tare nẹ uvwiẹ ri Devid Krisri na che nurhe, o che nẹ Bẹtlẹhẹm rhe, ọko ri Devid diare jovwo?

Iyẹnrẹ Esiri ri Jọn 4:1

Asakiephana rẹ Ọrovwohwo vwọ riẹn nẹ Farisi nyori nẹ Jesu vwo idibo buebu nẹ ọ je vwẹ ame kẹ ihwo bu nọ Jọn,

Iyẹnrẹ Esiri ri Luk 22:66

Okẹ rẹ ayen vwọ rhe, ọghwẹgbe rẹ ekpako rẹ ihwo na de koko kẹ, te ilori rẹ irherẹn vẹ isiẹbe; ayen de suo kpo ẹguare rayen, ayen da ta,

Iyẹnrẹ Esiri ri Luk 22:2

Ilori rẹ irherẹn kugbe isiẹbe na ke guọnọ obo rẹ ayen ru hwe ghwu; kidie oshọ rẹ ihwo na mu ayen.

Iyẹnrẹ Esiri ri Luk 20:1

Ẹdẹ ọvo re, ro vwo yono ihwo na vwẹ uwevwi rẹ ẹga na ro vwo ghwoghwo iyenrẹ esiri na, ilori rẹ irherẹn kugbe isiẹbe vẹ ekpako na de bro rhe

Iyẹnrẹ Esiri ri Mak 11:18

Ilori rẹ irherẹn kugbe isiẹbe vwo nyo, ayen da guọnọ obo rẹ ayen ru hwe; kidie ayen djẹ oshọ rọye, fiki rẹ eyono rọye ro gbe ayen ejobi unu.

Matiu 27:20

Ilori rẹ irherẹn kugbe ekpako na da riẹriẹ ihwo na nẹ, e siobọ nẹ Barabas re hwe Jesu.

Matiu 27:1

Rẹ ọke rhi vwo rhie, ilori rẹ irherẹn na ejobi kugbe ekpako ri Ju na ejobi, da ra ro ẹguare kpahe Jesu obo rẹ ayen ru hwe.

Matiu 26:59

Olori rẹ irherẹn na kugbe ihwo rẹ ẹguare na ejobi, da guọnọ iseri rẹ eku se kpahe Jesu, rere ayen mrasan hwe.

Matiu 26:3

Etiyin otu rẹ ilori rẹ irherẹn kugbe ekpako rẹ ihwo na ejobi de rhi se oma koko, vwẹ ọgua rẹ olori rẹ irherẹn rode, re se Kaifas;

Matiu 22:42

Die we roro kpahe Kristi vwo? Ọmọ rẹ ono o ruẹ? Ayen da ta kẹ nẹ, Ọmọ ri Devid.

Matiu 21:23

Ọke ro rhi vwo te evun rẹ uwevwi rẹ ẹga, ilori rẹ irherẹn kugbe ekpako na de bro rhe, ro vwo yono ayen na, ayen da ta nẹ, Didi ogangan wo vwo ruẹ imu nana? Ono kẹ wẹ ogangan nana?

Matiu 9:27

Ri Jesu vwo nẹ etiyin yanran, irhuẹro ivẹ de nene, ayen de kperi ta nẹ, Ni arodọvwẹ rẹ avwanre, Wẹ ọmọ ri Devid.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Matiu 20:24

Ọke rẹ ihwivẹ ri chekọ vwo nyo, ivun de miovwo ayen kpahe iniọvo ivẹ na.