Matiu 21:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Jesu da ro evun rẹ uwevwi rẹ Ọghẹnẹ, ọ da djẹ ihwo buebu re she kugbe e re dẹ vwẹ evun uwevwi rẹ ẹga, o de geri imeje rẹ otu ri wene igho she, kugbe egbara rẹ otu re shẹ ilekuku;

Matiu 21:12 Referans Kwoze

Livitikọs 1:14

Izobo rọye da rha dia ọ rẹ ephran kọye o che ze kẹ Ọrovwohwo, Ọ Me reyọ erurẹ eyẹ upene rẹ inekuku.

Livitikọs 5:7

Ẹkẹvuọvo ohwo na rha sa dẹ omogodẹ-ẹ, gbe jọ reyọ inekuku ivẹ eyẹ erurẹ ivẹ vwo ze izobo kẹ Ọrovwohwo fiki rẹ imwemwu rọye ro ruru, ivẹ na, ọvo izobo rẹ umwemwu, ọ ro chekọ kẹ izobo rẹ ẹtorhẹ

Iyẹnrẹ Esiri ri Luk 2:24

ko ze izobo kirobo re siro phihọ urhi rẹ Ọrovwohwo, inekuku ivẹ eyẹ erurẹ ivẹ.

Livitikọs 12:8

Aye na rha sa de omogodẹ-ẹ, ọ Me reyọ irurẹ ivẹ eyẹ emọ rẹ inekuku ivẹ, ọ Me vwẹ ọvo ze izobo rẹ ẹtorhẹ ọrivẹ kẹ izobo rẹ umwemwu, Orherẹn na kọ gọ ẹgua rọye nọ, kọ fon.

Livitikọs 14:22

Ọ Me vwẹ ọvo ze izobo rẹ umwemwu ọrivẹ kẹ ọ rẹ izobo rẹ ẹtorhẹ.

Ẹyano 30:13

Ohwo ọvuọvo re keri, kọ vwẹ ọnana kpahe otọ; ubro ri shekẹl kerẹ shekẹl rẹ ẹshẹ rẹ Ọrovwohwo na (shekẹl na gera uje re dia), ubro ri shekẹl e vwo ze izobo kẹ Ọrovwohwo.

Iyẹnrẹ Esiri ri Mak 11:11

Ọ da ro Jerusalẹm, kpo evun rẹ uwevwi rẹ ẹga; ọke ro vwo ni emu na ejobi yariẹ nu, ro vwo te ovwọnvwọn re, ọ vẹ ihwivẹ na de nẹ etiyin kpo Bẹtani.

Livitikọs 14:30

Kẹsiẹye, kọ vwẹ upene rẹ irure na eyẹ inekuku na rẹ ohwo na sa dẹ na ze izobo,

Livitikọs 12:6

Siẹ rẹ ẹdẹ rẹ orufuọn rọye da gba nu, owenẹ e rẹ ọmọshare eyẹ o re ọmọtẹ, ọ Me reyọ omogodẹ rẹ ẹgbukpe vwo rhe orherẹn na vwẹ unurhoro rẹ utughẹ rẹ a da vwa oma na rere e vwo ze izobo rẹ ẹtorhẹ, kugbe ọmọ rẹ inekuku eye erurẹ re vwo ze izobo fiki rẹ izobo rẹ umwemwu.

Livitikọs 15:29

Ẹdẹ rẹ ẹrenren ọ Me reyọ irurẹ ivẹ eyẹ upene rẹ inekuku eboba ivẹ ọ Me vwẹ ayen rhe orherẹn na, vwẹ asan unu rẹ utughẹ ra da vwa oma na.

Livitikọs 15:14

Ẹdẹ rẹ ẹrenren de te ọ Me reyọ irurẹ ivẹ eyẹ inekuku ivẹ, ọ Me ra vwẹ oma phia kẹ Ọrovwohwo na vwẹ unurhoro rẹ utughẹ ra da vwa oma na, ọ Me vwẹ ayen kẹ orherẹn na;

Livitikọs 5:11

Ẹkẹvuọvo ohwo rha sa dẹ inekuku ivẹ eyẹ erurẹ ivẹ-ẹ, gbe jọ reyọ abọ ọvo rẹ ẹko ihwe rẹ iputusẹ rẹ eka re duvwu nure vwọ rhe rere o vwo ze izobo rẹ umwemwu fiki rẹ umwemwu rọye ro ruru, o ku evwri phihọ-ọ, eyẹ adjija dede-e, kidie Ọnana izobo rẹ umwemwu.

Iyẹnrẹ Esiri ri Jọn 2:13

Ewanvrẹn ri Ju si kẹri re, Jesu de kpo Jerusalẹm.