Matiu 20:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọ da ta kẹ nẹ, Die wọ guọnọre? Ọ da ta kẹ nẹ, Rhọvwe rere emọ mẹ ivẹ na vwo tidia, ọvo obọrhe wẹn ọrivẹ obọhwẹre wẹn vwẹ evun rẹ uvie wẹn.

Matiu 20:21 Referans Kwoze

Matiu 19:28

Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl.

Ẹsta 5:3

Ovie na da ta kẹ, Didi emu, Ẹsta aye rẹ ovie? Die wọ nọre? A vwọ kẹ wẹ, re te ubro rẹ uvie mẹ na.

Matiu 18:1

Vwẹ ọke yena idibo ri Jesu de bro rhe ayen da nọ nẹ, Ono re ma rho vwẹ uvie rẹ odjuvwu?

Une rẹ Ejiro 110:1

Ọrovwohwo ta kẹ ọrovwovwe nẹ; Tidia vwẹ obọrhe mẹ, bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

Iruo rẹ Iyinkọn na 1:6

Ọtiọye na ọke rẹ ayen rhi vwo koko, ayen da nọ nẹ, Ọrovwohwo, ke wọ sa vwẹ uvie rẹ Izrẹl na rhivwi rhe vwẹ ọke nana?

Iyẹnrẹ Esiri ri Mak 6:22

Ọke rẹ ọmọtẹ ri Hẹrọdias vwọ rhe ro vwo gbe eha, o de jẹ Herọd kugbe otu re vẹ ọye gbe tidia vwẹ udoemu; ovie na da ta kẹ ọmọtẹ na, Nọ emu kemu ro wọ guọnọre, me vwọ kẹ wẹ.

Matiu 20:32

Jesu de mudia, o de se ayen, ọ da ta nẹ, Die wa guọnọre ni mi ru kẹ ovwan?

1 Ivie 3:5

Vwi Gibeọn Ọrovwohwo da vwẹ oma phia kẹ Solomọn vwẹ evwerhẹ, vwẹ ason; Ọghẹnẹ da ta, Nọ obo re me vwọ kẹ wẹ.

Kolose 3:1

Ọ da dianẹ ovwan vẹ Kristi gbe koko vrẹn ovwan gba guọnọ emu rọ hẹ obenu, asan ri Kristi epha, ro de tidia vwẹ obọrhe rẹ Ọghẹnẹ.

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Iyẹnrẹ Esiri ri Jọn 15:7

Ovwan da herọ vwẹ evun mẹ, rẹ eta mẹ da dia evun rẹ ovwan, gba nọ kemu kemu rẹ ovwan guọnọre, ke ruo kẹ ovwan.

Iyẹnrẹ Esiri ri Luk 22:24

Aphro ọvo da rhe dia vwẹ ohri rẹ ayen nẹ, kono vwẹ usun rẹ ayen re ma rho.

Iyẹnrẹ Esiri ri Luk 19:11

Rẹ ayen vwo nyo imu nana, o de rhe kpe itẹ ọfa, fikiridie o si kẹrẹ Jerusalẹm re, fikiridie ayen roro nẹ uvie rẹ Ọghẹnẹ na cha rhe nanana.

Iyẹnrẹ Esiri ri Luk 18:41

Die wọ guọnọre ni mi ru kẹ wẹ? Ọ da ta, Ọrovwohwo, jẹn uvwe mrẹ orẹ.

Iyẹnrẹ Esiri ri Mak 10:51

Jesu da kpahe kẹ, Die wọ guọnọre ni mi ru kẹ wẹ? Orhuẹro na da ta kẹ, Rabbi, me guọnọre rere me mrẹ orẹ.

Jerimaya 45:5

Wọ guọnọ imu ride kẹ oma wẹn? Wọ guọnọ aye-en, kidie, gbe nighe, me herọ ghwa umiovwo rhe ihwo ejobi eriyin Ọrovwohwo tare, ẹkẹvuọvo me cha vwẹ arhọ wẹn kẹ wẹ kere osa rẹ ofovwi vwẹ asan kasan wọ cha ra ejobi.

Une rẹ Ejiro 45:9

emetẹ rẹ ivie hẹ usun rẹ emetẹ wẹn ride na; oviẹ rẹ aye rọ vwẹ ọro rẹ ọphir rhuẹrẹ oma mudia vwẹ obọrhe wẹn.

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

1 Ivie 2:19

Ọtiọye Batsheha de bru Ovie Solomọn, ra ta kẹ fiki rẹ Adonija. Ovie na de vrẹn ra vwa, ọ da nuẹ uyovwi kpotọ kẹ; etiyin o de tidia vwẹ enu rẹ ekete rọye, e de mu aga kẹ oni rẹ ovie, o de tidia vwẹ obọrhe rọye.

Iyẹnrẹ Esiri ri Mak 16:19

Eriyin rẹ Ọrovwori Jesu, vwọ ta ota kẹ ayen nu, a da reyọ kpenu kpo odjuvwu, o de tidia vwẹ obọrhe rẹ Ọghẹnẹ.

Matiu 20:22

Ẹkẹvuọvo Jesu da kpahe ọ da ta kẹ nẹ, Wọ riẹn obo wọ nọre na-a. Ovwan sa da uko re me cha da na? Ayen da rhọvwe nẹ, ayen sa da.