Matiu 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² tanẹ, Tivọ e de vwiẹ ovie ri Ju na? Kidie avwanre mrẹ isio rọye vwẹ obaro ọnre, kọye avwanre vwọ rhe re ga na.

Matiu 2:2 Referans Kwoze

Ukeri 24:17

Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Aizaya 60:3

Irere buebu ki che bru urhukpẹ wẹn na rhe, ivie ki bru elo wẹn ro vacha na rhe.

Iyẹnrẹ Esiri ri Jọn 18:37

Pailet da ta kẹ, Ọtiọye na wẹ kẹ ovie? Jesu da kpahe, We rẹ tare nẹ mẹvwẹ ovie. Kidie ọnana e vwo vwiẹ vwẹ, je vwi fiki rẹ ọnana me vwọ rhe akpọ na, rhi se oseri kẹ uyota na. Kohwo kohwo rọ dia ọ rẹ uyota na ko nyo urhuru mẹ.

Hibru 1:6

Ọfa, ọke ro vwo vwiẹ ọmọkpako rọye phihọ akpọ na nu, Ọ da ta, E jẹn emakashe rẹ Ọghẹnẹ ejobi ga.

Iyẹnrẹ Esiri ri Luk 23:38

E de si isiesi vwọ tamuo, Ọnana hẹ Ovie ri Ju na.

Iyẹnrẹ Esiri ri Luk 23:3

Pailet da nọ, Wẹ hẹ Ovie ri Ju na? Ọ da kpahe kẹ, Wẹ re ta ọtiọye.

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Iyẹnrẹ Esiri ri Jọn 1:49

Nataniẹl da kpahe kẹ, Rabbi, Wẹ hẹ Ọmọ rẹ Ọghẹnẹ na! Wẹ hẹ Ovie ri Ju na!

Iyẹnrẹ Esiri ri Luk 19:38

tanẹ, Ebruba kẹ Ovie rọ cha vwẹ odẹ rẹ Ọrovwohwo! Ufuoma vwẹ odjuvwu urinrin vwẹ asan ro kpenu!

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Jerimaya 30:9

Ẹkẹvuọvo ayen ke ga Ọrovwohwo Ọghẹnẹ rayen vẹ Devid ovie rayen, ohwo re me cha kpare ke ayen.

Une rẹ Ejiro 45:11

ẹtiyin oviẹ kọ guọnọ erhuvwu wẹn. Rọ vwọ dia Ọrọvwovwẹ na, gbe diguẹ kẹ;

Iyẹnrẹ Esiri ri Jọn 9:38

Ọ da ta, Ọrovwohwo, mi sere gbuyota, ọ da ga.

Iyẹnrẹ Esiri ri Jọn 19:19

Pailet de ji si odova rọye rhe ọ da vwọ tamu agbagba na; e de se, Jesu ri Nazarẹt, Ovie ri Ju.

Iyẹnrẹ Esiri ri Jọn 12:13

Ọtiọye na ayen da reyọ ewanvwe rẹ iriẹ ayen da yanran ra vwa, ayen de kuvwie, Hozana, Ebruba kẹ ọ rọ cha vwẹ odẹ rẹ Ọrovowhwo, mrẹmrẹ ọye hẹ Ovie rẹ Izrẹl.

Matiu 27:11

Jesu de rhi mudia vwẹ obaro ri Pailet oguẹdjọ na, ọ da nọ nẹ, Wẹ hẹ ovie ri Ju na? Jesu da kpahe kẹ nẹ, Wẹ re tare.

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Matiu 21:5

Ta kẹ ẹmẹtẹ ri Zayọn, Nighe, ovie rẹ ovwan bru ovwan cha, Fuefu, ọ rọ gua vwẹ enu rẹ ẹkẹtẹkẹtẹ, upene rọyẹ.

Matiu 2:3

Ọke ri Herọd ovie vwo nyo, ivun de miovwo, kugbe ihwo ri Jerusalẹm ejobi