Matiu 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Matiu 2:16 Referans Kwoze

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Isẹ 28:15

Kirobo rẹ okpohrokpo ro denu eyẹ edjẹnẹkpo rọ djọma epha, eriyin ohwo umwemwu ro suẹn ivwioghere epha.

Ẹvwọphia 17:6

Me da mrẹ aye na, rẹ ọbara rẹ ihwo efuanfon muẹ kerẹ udi kugbe ọbara rẹ ihwo re hweri fiki ri Jesu. Ọke re me vwọ mrẹ o de gbe vwe unu gangan.

Hosia 10:14

Fiki rẹ ọtiọye na edo rẹ ofovwi vwo mu vwẹ ohri rẹ ihwo wẹn, ogba ọgangan wẹ ejobi ka guọghọ ayen, kerẹ obo ri Shalman guọghọ Bẹtabẹl vwẹ ẹdẹ rẹ ofovwi na; te ini vẹ emọ rayen ka vwẹ ayen fa otọ hwe.

Daniẹl 3:13

Etiyin Nebukadreza vẹ ophu djọghọ djọghọ da ta nẹ a vwẹ Shadrak, Mẹshak vẹ Abẹdnigo rhe. Etiyin a da reyọ eshare nana rhe obaro rẹ ovie na.

Aizaya 26:21

Kidie nighere, Ọrovwohwo na re nẹ ẹdia rọye cha ro che vwo hwe ihwo rẹ akpọ na fiki rẹ umwemwu rayen, akpọ na kọ cha vwẹ ọbara re hweri vwẹ evun rọye phia, o gbi che rhurhu ihwo re hweri na ọfa-a.

Ivie rẹ Ivẹ 8:12

Hazẹl da ta, Die ọrovwovwe vwọ viẹ? Ọ da kpahe, Fikiridie me riẹn umiovwo ru wo che ru kẹ ihwo rẹ Izrẹl; wo che phi erhanre phihọ ohẹrhẹ rayen, wo cha vwẹ ọlọkọ hwe ighele rẹ emeshare rayen, wọ cha vwẹ emọ boba rayen fotọ hwe, wọ cha va eya vẹ evun rayen.

Iguẹdjọ 16:10

Dẹlila da ta kẹ Samsin nẹ, Nighe, wọ vwo vwẹ jehwẹ, wọ je phiẹn vwẹ; biko ta kẹ vwẹ obo ra sa vwọ gba wẹ.

Jẹnẹsis 49:7

Eka kẹ ophu rayen, kidie ọ ganọ, kẹ ivuemiovwo rayen, kidie ọ branọ; Me ghare ayen phihọ Jekọp ke Me hra ayen vwẹ Izrẹl.

Isẹ 28:17

Ohwo ro kru oghwa rẹ ọbara rẹ ohwo ọfa ghwa, gbe jọ dia osoghoro tẹ ẹdẹ ughwu rọye; e jẹ ohwo ọvuọvo cha uko-o.

ỌBE RẸ JOB 12:4

Mi hirhe phihọ ehwẹjẹ kẹ igbeyan mẹ; mẹvwẹ, ro se Ọghẹnẹ o mi nyo kevwẹ na, ohwo ọsoso ro vwo abe-e, mi hirhe phihọ ehwẹjẹ.

Ukeri 24:10

Etiyin ophu ri Balak da rhe tua kpahe Balaam, ọ da teye abọ rọye koko; Balak da ta ki Balaam, Mi se we nu wọ rhe duvwu ivwighrẹ mẹ iyori, gbe nighere, ku wọ rhoma nẹ ẹrhovwo kẹ ayen abọ erha nana.

Ukeri 22:29

Balaam da ta kẹ ekẹtẹkẹtẹ na, Fikiridie wọ vwo vwẹ heha, ọ dianẹ ọlọkọ rhe vwe obọ nọ manẹ mi hwe we nure.

Jẹnẹsis 39:17

o de gbe ikun ọvuọvo na kẹ tanẹ, Odibo rẹ ohwo ri Hibru ru wọ reyọ rhe ohri rẹ avwanre, o de bru vwe rhe re phọphọ ovwẹ;

Jẹnẹsis 39:14

o de se ihwo rẹ uwevwi na rhe ọ da ta kẹ ayen, No, ọshare mẹ reyọ ohwo ri Hibru rhe ohri rẹ avwanre re ọ rhe phọphọ avwanre; o de bru vwe rhe ri sherhẹ, Mi de kperi gangan,

Matiu 2:1

Ọke re vwo vwiẹ Jesu vwi Bẹtlẹhẹm ri Judia vwẹ ọke ri Herọd vwọ hẹ ovie, nighere, evwaghwanre rẹ eshare erha de nẹ obaro ọnre rhe Jerusalẹm,

Matiu 2:7

Herọd da bẹbẹ se evwaghwanre erha na, ọ da nọ ayen nẹ ọkevọ isio na vwọ phia;

Matiu 2:17

Kọye aroẹmrẹ ri Jerimaya vwọ sẹ nẹ,

Ẹvwọphia 12:4

Urhurhuvwu rọye ro siẹ nene vwẹ obuko na da jẹ phihọ isio buebu, o de si ayen she teye otọ. Okpodje na de mudia bẹre agada sa aye na rọ chuẹ uvwiẹ na, rere siẹ ro de vwiẹ nu ọ vwọ mrasan mu ọmọ na re;