Matiu 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Rẹ Ọghẹnẹ vwọ kpokpa kẹ ayen vwẹ evwerhẹ nẹ ayen rhivwi bru Herọd ra-a, ayen da wan idjerhe ọfa kpo.

Matiu 2:12 Referans Kwoze

Matiu 2:22

Ẹkẹvuọvo ro vwo nyo nẹ Akiẹlus ọ ria vwẹ ẹdia ri Herọd ọsẹ rọye, osho ro vwo kpo oboyi de muo; vwẹ oka rẹ Ọghẹnẹ vwọ phia kẹ vwẹ evwerhẹ, o de kpo Galili.

Matiu 2:19

Ẹkẹvuọvo ọke ri Herọd rhi vwo ghwu nu, amakashe rẹ Ọghẹnẹ da vwẹ oma phia kẹ Josẹf vwẹ evwerhẹ vwẹ Ijipt nẹ,

Matiu 2:13

Rẹ ayen vwo kpo nu nighe amakashe da vwẹ oma phia kẹ Josẹf vwẹ evwerhẹ ọ da ta, Vrẹn wo mu ọmọ na re wọ djẹ kpo Ijipt, kugbe oni rọye, wọ dia oboyi bẹsiẹ me vwọ vuẹ ovuẹ rhe wẹ, kidie Herọd guọnọ ọmọ na hwe.

Matiu 27:19

Ro vwo tidia vwẹ asan re de brorhiẹ, aye rọye de ji ohwo ra vuẹ nẹ, Wo brorhiẹ hwe ọvwata na-a; Kidie me vwerhẹ evwerhẹ kpahọ buebu vwẹ ason na.

Matiu 1:20

Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

Ẹyano 1:17

Ẹkẹvuọvo irhere na da djẹ oshọ rẹ Ọghẹnẹ, ayen rhe ru obo rẹ ovie rẹ Ijipt na ta kẹ ayeen, ẹkẹvuọvo ayen da yan jẹn emeshare na vwo.

Jẹnẹsis 31:24

Ẹkẹvuọvo Ọghẹnẹ de bru Laban ohwo rẹ Aram na rhe vwẹ evwerhẹ vwẹ ason, ọ da ta kẹ, Jomaotọ, wo biko kpahe ota ki Jekọp rẹẹ, oyovwiri eyẹ omiovwiri.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Iruo rẹ Iyinkọn na 5:29

Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ.

Iruo rẹ Iyinkọn na 4:19

Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana.

Daniẹl 2:19

Etiyin a da vwẹ otọ rẹ igbunu na phia kẹ Daniẹl vwẹ evun rẹ emramrẹ vwẹ ason. Etiyin Daniẹl de bruba kẹ Ọghẹnẹ rẹ odjuvwu.

1 Kọrẹnt 3:19

Kidie aghwanre rẹ akpọ nana hẹ ẹkpa vwẹ obọ rẹ Ọghẹnẹ. Kidie e siro, O muẹ ọvwaghwanre vwẹ evun rẹ aghwanre rọye,

Iyẹnrẹ Esiri ri Luk 2:26

Erhi Ọfuanfon na da vwọ phia kẹ nẹ o rhie ẹro mrẹ ughwu-u bẹsiẹ rọ vwọ mrẹ Kristi rẹ Ọrovwohwo na.

Iruo rẹ Iyinkọn na 10:22

Ayen da ta, Kọniliọs, onotu rẹ ofovwi ohwo ọsoso rọ djẹ oshọ rẹ Ọghẹnẹ, rẹ ẹgborho rẹ ihwo ri Ju ejobi ta ota rọye yoyovwi, ọye amakashe ọfuanfon ta kẹ nẹ o ji ohwo rhi se we rhe uwevwi rọye, rere o nyo obo ru wọ cha ta kẹ.

Hibru 8:5

Ayen gọ uhoho rẹ ẹshẹ rọ hẹ obo odjuvwu; kidie ọke ri Mosis cha vwọ bọn utughẹ na, Ọghẹnẹ da kpa okpa kẹ, tanẹ, Gbe no, ji kemu kemu ru wo che ru họhọ oghẹre ri mi dje kẹ wẹ vwẹ obenu rẹ ugbenu na.