Matiu 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ayen da ro uwevwi na, ayen da mrẹ ọmọ na kugbe Meri rẹ oni rọye, ayen de diguẹ ayen da vwarọ, ayen de rhie ekpo rayen, ayen de ru ẹse kẹ, ọvo kẹrẹ oro, ọrivẹ adjija ọrerha ugboduma.

Matiu 2:11 Referans Kwoze

Aizaya 60:6

Urogho rẹ iyesi ko rhurhu we pitiki, upene re iyesi ri Midian kugbe Ephah, otu ri Sheba ejobi cha rhe. Ayen cha ghwẹ oro vẹ adjija rhe, ayen ke che ghwoghwo urinrin rẹ Ọrovwohwo.

Une rẹ Ejiro 72:10

Jẹn ivie ri Tarshish kugbe i ri ibrotọ na gba arhọghọ jẹn ivie ri Sheba kugbe Sẹba phare ọko rhe!

Iyẹnrẹ Esiri ri Luk 2:16

Ayen da yanrhe okpokpakpa, ayen da mrẹ Meri kugbe Josẹf, vẹ ọmọ na re mu sherhẹ urhuẹ na.

Matiu 2:2

tanẹ, Tivọ e de vwiẹ ovie ri Ju na? Kidie avwanre mrẹ isio rọye vwẹ obaro ọnre, kọye avwanre vwọ rhe re ga na.

Une rẹ Ejiro 95:6

E yanrhe, e jẹn avwanre ga re e shiguẹ ke, jẹn avwanre shiguẹ vwe obaro re Ọrovwohwo, O rọ ma avwanre!

Une rẹ Ejiro 72:15

E jọ dia tọn, e ja vwẹ oro ri Sheba vwọ kẹ! E ja nẹ ẹrhọvwọ kẹ kọke kọke rere e bruba kẹ vwẹ ẹdẹ na ejobi!

1 Ivie 10:2

Ọ vẹ usun rode gbrigbrigbri gbe rhi te Jerusalẹm, ọ vẹ kamẹl re ghwa ogẹn, kugbe oro buebu, vẹ ibieragha eghaghare; ọke ro rhi vwo te asan ri Solomọn, ọ da ta obo rẹ hẹ udu rọye ejobi kẹ.

Ukeri 7:14

egebule rẹ oro ọvo ri shekẹl ihwe, rọ vọnre vẹ ugboduma;

Ẹvwọphia 19:10

Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.

Matiu 14:33

Ihwo re hẹ evun rẹ okọ na da vwarọ, ayen da ta nẹ, Uyota, ọmọ rẹ Ọghẹnẹ wo ghine ruẹ.

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;

Iyẹnrẹ Esiri ri Luk 2:38

Rọ vwọ yanrhe vwẹ ọke yena ọ da kpẹvwẹ Ọghẹnẹ o de gbe ikun rọye kẹ ihwo ejobi ri phiẹrohọ etanhirhe ri Jerusalẹm.

1 Samuẹl 10:27

Ẹkẹvuọvo erharhe rẹ ihwo evo da ta, Kemavọ ohwo nana se vwo sivwi avwanre? Ayen da jẹfa, ayen gbe ghwẹ ẹga rhe-e. Ẹkẹvuọvo ọ da fọ gbiei.

Ukeri 7:86

egebule ihwivẹ rẹ oro na, vọnre vẹ ugboduma, rọ họhọ te shekẹl ihwihwe, kirobo ri shekẹl rẹ ẹshẹ na epha, oro rẹ igebule na ejobi da dia shekẹl ujosan;

Livitikọs 6:15

Omwọvo Me ghwẹ ẹkuobọ vọn nẹ eka na ra nabọ duvwu na vwọ ba evwri rọye kugbe adjija na rọ hẹ enu rẹ izobo rẹ ọka na, ọ Me torhẹ Ọnana rọ dia ẹkẹn rẹ ẹkarohọ vwẹ enu rẹ agbada na, ro gbo ọnrhe ororo kẹ Ọrovwohwo.

Ẹyano 30:34

Ọrovwohwo da ta kẹ Mosis, reyọ irienrien, ishasha evẹvwe, vẹ irhe, irienrien ri gbo vwevwerhe vẹ adjija (ọ dia abavo).

Jẹnẹsis 43:11

Etiyin ọsẹ rayen Izrẹl da ta kẹ ayen, ọ da dia ọtiọye, gbe ru ọna: gba sanọ ibi rẹ emamọ esiri rẹ otọ na ẹvo phihọ ekpo, ra phare ọko rhe ohwo na, imi shani vẹ ọnyọ, urho, adjija, ibi ri pistachio, kugbe orhomrẹ.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Une rẹ Ejiro 45:8

adagba wẹn ejobi re gbo ọnrhẹn rẹ ugboduma vẹ egẹ kugbe adjija Nẹ evun rẹ ọguan rẹ akoeni rhe isorogun da kẹ wẹ aghọghọ,

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

1 Ivie 10:10

Etiyin ọ da vwẹ talẹnt ujosan rẹ oro vwọ kẹ ovie, kugbe egẹn buebu, vẹ ibieragha eghaghare; egẹn obuebu tiọnana rhe bru ovie Solomọn rhe ọfa-a nọ ọ rọ ovie rẹ aye ri Sheba na vwọ kẹ-ẹ.

Ẹyano 30:23

reyọ irienrien ri me yovwi: ọ rẹ ame rẹ adjija shekẹl ujori iyori ọ rẹ egẹn ro gbo ọnrhe ororo ujori ivẹ gbẹ ujuvẹ gbẹ ihwe, kugbe awọ rẹ erhẹvwo ujori ivẹ gbẹ ujuvẹ gbẹ ihwe,

Solomon 3:6

Die ri nẹ evun rẹ aton na cha na, rọ họhọ ukori rẹ ivwirhi, ro gbo ọnrhe rẹ egẹn vẹ adjija na, vẹ ọnrhe ghwoghwo rẹ ọneki?

Matiu 1:18

Asakiephana enẹ e vwiẹ Kristi wan. Ọke ri Josẹf vwọ sa Meri rẹ oni ri Jesu phihọ otọ, yẹ ayen je rhe mroma-a, Meri da rhe mrevun rẹ Erhi Ọfuanfon;

Matiu 2:10

Ọke rẹ ayen vwọ mrẹ isio na ro mudia, ayen da ghọghọ gangan.

Matiu 12:46

Rọ ghwa vwọ ta ota na kẹ ihwo na, oni rọye kugbe imoni rọye de mudia vwẹ otafe re guọnọ ta ota kẹ.

Iyẹnrẹ Esiri ri Jọn 19:39

Nikodimọs rhe, ro bru Jesu rhe ẹsosuọ vwẹ ason na, ọ da vwẹ egẹn vẹ adjeghwọghwọ ra gua kugbe rhe, ọhọhọ te ovwanvwọn ujori.