Matiu 19:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Fiki rẹ eriyin na ayen gbe hẹ ihwo ivẹ ọfa, ẹkẹvuọvo ayen kẹ oma ọvo. Obo rẹ Ọgbẹnẹ tan kugbe nu, e jẹn ohwo hẹriẹ-ẹ.

Matiu 19:6 Referans Kwoze

Iyẹnrẹ Esiri ri Mak 10:9

Fiki rẹ ọtiọye na emu rẹ Ọghẹnẹ ta kugbe nu, e jẹn ohwo hẹriẹ-ẹ.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Ọbe ri Pọl si rhe Ihwo ri Rom 7:2

Ọke rẹ ọshare da hẹ akpọ na otọ rẹ urhi rọye aye rọye epha; ẹkẹvuọvo ọke rẹ ọshare de ghwu nure aye na gbe hẹ otọ rẹ urhi rọye ọfa-a.

Ẹfesọs 5:28

Mrẹmrẹ ọtiọye eshare na guọnọ eya rayen kerẹ omobọ rayen. Ohwo rọ guọnọ aye rọye yọ guọnọ omobọ rọye.

Malakae 2:14

Wọ da nọ nẹ, Die sorọ o vwo jẹ reyọ? fikiridie Ọrovwohwo na oseri rẹ ọphọ re wọ vẹ aye wẹn rẹ ọke-emọ rere, aye yena wo gbe ọfanrhiẹ rhurhu dede na ọye otu wẹn kugbe aye rẹ ọphọ wẹn.

Isẹ 2:17

Ro gbobọnyẹ otu rọye rẹ ọke emọ, ọphọ rẹ Ọghẹne rọye da chọrọ ẹro.

Malakae 2:16

Kidie aye re siobọ nẹ na tu vwe oma eriyin Ọrovwohwọ Ọghẹnẹ re Izrẹl tare, re vwẹ ozighi e gbe chobiẹ amwa, eriyin Ọrovwohwo rẹ otuofovwi na tare. Vwẹ ọtiọye na gba kẹnẹ oma wẹn wo gbi gbe ọfanrhiẹ-ẹ.

Matiu 19:5

Ọ da ta nẹ, Fiki rẹ ọnana ọshare vwo jẹ ọsẹ vẹ oni rọye vwo ọ me ra gbanọ aye rọye, ayen ivẹ na ke cha dia oma ọvo.

Matiu 19:7

Ayen da ta kẹ nẹ, Die sorọ ri Mosis rha vwọ ta nẹ e siọbe rẹ obọ esiono rere e siobọ no?