Matiu 19:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ẹkẹvuọvo ọke rẹ emeghene na vwo nyo, o de mu opharo phihọ: kidie o vwo efe buebu.

Matiu 19:22 Referans Kwoze

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Izikiẹl 33:31

Ayen ki bru we rhe kirobo rẹ ihwo cha, ayen ki che tidia kẹrẹ owẹ kerẹ ihwo mẹ, ayen ki nyo obo ru wo ta ẹkẹvuọvo yẹ ayen ruo-o, kidie ẹbẹrunu ọye ẹguọnọ rẹ ayen epha, ẹkẹvuọvo yẹ ayen vwẹ udu rayen kpahe erere rayen cha mrẹ.

Matiu 13:22

Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Ẹfesọs 5:5

Jẹ ọna mu ovwan ẹro, nẹ ọvwọfanrhiẹ eyẹ ohwo ro jẹfuọn, eyẹ ovwurhuru (kọye hẹ, ọgedjọ) vwo uku ọvuọvo vwẹ uvie ri Kristi kugbe Ọghẹnẹ na-a.

Iyẹnrẹ Esiri ri Mak 10:22

Ẹkẹvuọvo o de mu opharo phihọ o de mu oma phihọ kpo, kidie o vwo emu buebu.

Matiu 16:26

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

Iyẹnrẹ Esiri ri Luk 18:23

Ẹkẹvuọvo ọke ro vwo nyo ọnana o de muomahọ, kidie o feri gangan.

Matiu 14:9

Ivun de miovwi ovie na; ẹkẹvuọvo fiki rẹ iyori ro duvwuru kugbe omaẹvuọ rẹ ihwo re vẹ ọye gbe tidia udemu na, ọ gbe sa sen kẹ-ẹ.

Iyẹnrẹ Esiri ri Mak 6:26

Ọ da da ovie na gangan; ẹkẹvuọvo vwi fiki rẹ ive rọye, kugbe otu re vẹ ọye gbe tidia vwẹ udoemu na, ọ gbe sa siọn kẹ-ẹ.

Une rẹ Ejiro 17:14

Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

Matiu 19:21

Jesu da ta kẹ nẹ, Wọ da guọnọ nẹ wọ fon, gba ra she obo ri wo vwori ejobi, re wọ vwẹ ayen kẹ ivwiogbere, ku wo vwo efe vwẹ obo odjuvwu, gba yanrhe ri wo nene uvwe.

Matiu 19:23

Jesu da ta ke idibo rọye nẹ, Uyota me ta kẹ ovwan, Ọ bẹre gangan kẹ ọdafe rọ vwọ ro uvie rẹ odjuvwu.

Iyẹnrẹ Esiri ri Jọn 16:20

Uyota, uyota, me ta kẹ ovwan, ovwan cha viẹ ovwan che vwere oma, ẹkẹvuọvo akpọ na cha ghọghọ; ọ cha da ovwan gangan, ẹkẹvuọvo ọdavwẹ rẹ ovwan che hirhe phihọ aghọghọ.