Matiu 18:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ekan kẹ akpọ na fiki rẹ ogbarogba! o dianẹ ogbarogba karọ-ọ, ẹkẹvuọvo ekan kẹ ohwo rọ wan obọ rọye rhe.

Matiu 18:7 Referans Kwoze

Iyẹnrẹ Esiri ri Luk 17:1

Etiyin ọ da ta kẹ idibo rọye, Omuẹro nẹ ọdavwini rọ nẹrhẹ e ru umwemwu che jẹ cha-a; ẹkẹvuọvo ekan kẹ ohwo rọ wan obọ rọye rhe.

1 Kọrẹnt 11:19

kidie ohẹriẹ ghine sa dia ohri rẹ ovwan rere e vwo se vughe omamọ rẹ ihwo rẹ hẹ ohri rẹ ovwan.

Matiu 26:24

Ọmọ rẹ ohwo cha yanran, kirobo re siro kpahọ; ẹkẹvuọvo ekan kẹ ohwo yena ra wan oma roye shẹ! o gbi fo rere e vwiẹ ohwo yena jovwo-o.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

Taitọs 2:8

Nabọ jẹ ephẹrẹ wẹn gba yoyovwi, rere ihwo vwo jẹ uyono wẹn ẹharhọ; rere ihwo re rhẹrẹ ota wẹn jovwo oma vwọ vo ayen, rere ayen jẹ ota ọbrabra ẹta kpahe avwanre.

Taitọs 2:5

Jẹ ayen dia dẹndẹn vẹ uruemu rọ gbare, rere ayen nabọ wian owian vwẹ uwevwi rayen, ri ji ni aruẹdọn, re vwẹ oma kpotọ kẹ eshare rayen rere e vwo jẹ ota rẹ Ọghẹnẹ e gbe kuẹ.

1 Timoti 6:1

E jẹn ihwo ra dẹre re hẹ eviẹn ejobi mu o ọghọ ro fori kẹ iuini rayen, rere e vwo jẹ odẹ rẹ Ọghẹnẹ kugbe uyono rọye emiovwo.

Iruo rẹ Iyinkọn na 1:16

Imoni, ọbe ọfuanfon na gbare rẹ Erhi Ọfuanfon wan unu rẹ Devid ta jovwo, kpahe Judas, ohwo rọ dia osun kẹ ayen otu ri mu Jesu.

Iyẹnrẹ Esiri ri Jọn 17:12

Ọke re me vẹ ayen vwọ hẹro na, me sẹro rẹ ayen vwẹ odẹ wẹn re wọ vwọ kẹ vwẹ na; me rhẹrẹ ayen, ọvuọvo rẹ ayen ghwruru-u ẹkẹvuọvo ọmọ rẹ ughwru na, rere ọbe ọfuanfon na vwọ gba.

Iyẹnrẹ Esiri ri Mak 13:7

Vwẹ ọke rẹ ovwan de che nyo ifovwi kugbe usi rẹ ifovwi, ovwan jẹ udu kpokpo ovwa-an; imu nana cha ka phia tavwe, ẹkẹvuọvo yẹ oba na ji te-e.

2 Samuẹl 12:14

Dede na, fikirobo wo vwo ru emu nana wọ vwẹ Ọrovwohwo jehwẹ ọmọ na ri wo vwiẹri na ko ghwu.

1 Samuẹl 2:17

Enẹ kọye umwemwu rẹ imighele na rhe vwọ rho gangan vwẹ obaro rẹ Ọrovwohwo. Kidie ihwo na da vwẹ izobo rẹ Ọrovwohwo na gbotọ.

Jẹnẹsis 13:7

oseghe kọ rhe dia vwe uvwre rẹ isuigodẹ rẹ Ebram vẹ isuigodẹ ri Lọt. Ọke yena ihwo ri Kenan kugbe ihwo ri Pẹriz je otọ na.

Matiu 16:23

Ẹkẹvuọvo o de kuoma rhẹriẹ, ọ da ta kẹ Pita nẹ, Wan nẹ obuko mẹ wẹ Ẹdjọ na; Wẹ oshegberi kẹ vwẹ, kidie wọ guọnọ emu rẹ Ọghẹnẹ-ẹ, ẹkẹvuọvo ọ rẹ ihwo rẹ akpọ.