Matiu 18:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ohwo kohwo rọ reyọ omotete tiọnana vwẹ odẹ mẹ yọ reyọ ovwẹ.

Matiu 18:5 Referans Kwoze

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Galesha 4:14

dede na nẹ eyere mẹ kẹ ọdavwini kẹ ovwan na, wa vwẹ ovwẹ jehwẹ-ẹ eyẹ jẹ vwẹ fia-a, ẹkẹvuọvo wa da reyọ ovwẹ kerẹ amakashe rẹ Ọghẹnẹ, kerẹ Jesu Kristi dede.

Iyẹnrẹ Esiri ri Jọn 13:20

Uyota, uyota, me ta kẹ ovwan, ohwo kohwo rọ reyọ ọvo ri mi ji rhe na yọ reyọ ovwẹ; ọ rọ reyọ ovwẹ reyọ ọ ro ji vwe rhe.

Iyẹnrẹ Esiri ri Mak 9:37

Ohwo kohwo rọ reyọ omotete tiọnana vwẹ odẹ mẹ, yẹ ọ reyọ ovwẹ, kohwo kohwo rọ reyọ ovwẹ, ọ reyọ ovwẹ-ẹ, ẹkẹvuọvo ọ ro ji vwe rhe.

Iyẹnrẹ Esiri ri Luk 9:48

ọ da ta kẹ ayen, Kohwo kohwo rọ reyọ omotete tiọna vwẹ odẹ mẹ yọ reyọ ovwẹ, kohwo kohwo rọ reyọ ovwẹ yọ reyọ ọ ro ji vwe rhe; kidie ohwo rọ ma havwe vwẹ ohri rẹ ovwan ejobi ọye re cha ma rho.

Iyẹnrẹ Esiri ri Mak 9:41

Kidie uyota Me ta kẹ owẹ kohwo kohwo rọ vwẹ uko rẹ ame kẹ ovwan da, fiki rẹ obo rẹ ovwan vwọ hẹ ihwo ri Kristi, uyota Me ta kẹ ovwan osa rọye se ghwru-u.

Matiu 25:45

Kọ ta kẹ ayen nẹ, Uyota me ta kẹ ovwan, kirobo we ruro kẹ ohwo ọvo vwẹ usun rẹ imoni mẹ na-a, we ruro kẹ vwẹ-ẹ.

Matiu 7:8

Kidie ohwo kohwo rọ nọre kọ mrẹ, ọ rọ guọnọre ko vwo, ọ ro hworo ẹchẹ ke rhie kẹ.

Matiu 18:4

Ohwo kohwo rọ vwẹ oma kpotọ kerẹ omotete na, ọye re sa ro uvie rẹ odjuvwu.

Matiu 18:6

Ẹkẹvuọvo ohwo kohwo ro kpokpo ọvo vwẹ usun rẹ emọ nana ri segbuyota na ro de she, oyoma kẹ ohwo yena rere o churu olalọ si ohọre re o divwi ghwu vwẹ abadi.