Matiu 18:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọrhọ ovwan rori? ọ da dianẹ ohwo vwo igodẹ ujori, ọvo rọye de ghwru, o gbi gbobọnyẹ ọvo nuro ujori na, rọ da yan ro evun rẹ aghwa ra guọnọ ọ ro ghwruru na?

Matiu 18:12 Referans Kwoze

Izikiẹl 34:12

Kirobo rẹ osuigegede guọnọ igegede evo re hrabọ phia na, ọtiọye me cha guọnọ igegede mẹ phia, ki mi sivwi ayen nẹ asan ejobi rẹ ayen hrabọ ra rhe vwẹ ẹdẹ rẹ enu de bi hwi kugbe ẹdẹ rẹ egho de mu kpoi.

Izikiẹl 34:16

Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.

Izikiẹl 34:28

Ayen gbe cha dia eranvwe rẹ hwe kẹ ẹgborho na ọfa-a, eyẹ eranvwe rẹ otọ na gbe cha re ayen ọfa-a, ayen ke dia vwẹ ofuvwegbe, ohwo ọvuọvo gbe djẹ oshọ mu ayen ọfa-a.

Izikiẹl 34:6

Igegede mẹ na da hra, ayen de beghe wan igbenu ride vẹ ltete, igegede mẹ na da hra nene enu rẹ otọ na ejobi, o rhe vwo ohwo ọvuọvo rọ guọnọ ayen phia-a.

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

1 Pita 2:25

Kidie ovwan ghwrẹ jovwo kerẹ igegede, ẹkẹvuọvo asakiephana ovwan rhivwi bru Osuigegede kugbe Ọrhẹrotọ rẹ ẹnwẹn rẹ ovwan re.

Matiu 12:11

Ọ da ta kẹ ayen nẹ, Ono vwẹ usun rẹ ovwan na, ro vwo ogegede ọvo, rọ da vabo she phihọ ọgọdọ vwẹ ẹdidjala, ro de je siono?

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Une rẹ Ejiro 119:176

Mi ghwruru kerẹ ogegede ro ghwruru, guọnọ odibo wẹn, kidie irhi wẹn chọrọ ovwẹ ẹro-o.

Matiu 21:28

Ẹkẹvuọvo die ovwan rori vwọ? Ọshare ọvo de vwo emọ ivẹ; ọ de se ọ rẹsosuọ ọ da ta kẹ nẹ, Mọmẹ, yanran kpo obo udju rere wo re ru iruo.

1 Kọrẹnt 10:15

Me ta ota nana kẹ ihwo ri vwo ọhọ; ovwan ọvo roro obo re me tare na.

Matiu 22:42

Die we roro kpahe Kristi vwo? Ọmọ rẹ ono o ruẹ? Ayen da ta kẹ nẹ, Ọmọ ri Devid.

1 Ivie 21:17

Etiyin ota rẹ Ọrovwohwo de bru Ilaija ohwo ri Tish rhe, tanẹ,

Izikiẹl 34:4

Ọ rẹ oma ghwọre wọ vwẹ ogangan kẹ-ẹ, ọ rọ mwa ọga wo sivwiro-o, ọ ro vwirhi owọ wọ gbarọ-ọ, ọ ro suosuo ghwru wọ guọnerọ rhe-e, ọ ro ghwruru wọ ra guọnọ-ọ, obọ ọgangan rẹ omẹdja wo vwo sun ayen.

Matiu 18:13

Ọ da dianẹ ọ mrẹrẹ, Uyota me ta kẹ wẹ, kọ ghọghọ vwẹ oma rẹ ọvuọvo na nọ ọvo nuro vwẹ ujori ri je ghwro na.