Matiu 18:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Wo jẹ ọvo rẹ imitete na fia-a, fikiridie emakashe rẹ emọ na i mudia vwẹ obaro rẹ Ọghẹnẹ Ọsẹ rẹ avwanre rọ hẹ obo odjuvwu.

Matiu 18:10 Referans Kwoze

Une rẹ Ejiro 91:11

Kidie ọ cha ta kẹ emakashe rọye nẹ i ni we rere e rhẹre idjerhe wẹn ejobi.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

Une rẹ Ejiro 34:7

Amakashe rẹ Ọrovwohwo mu erhọn riariẹ ayen otu re djẹ oshọ rọye, o de sivwi ayen.

Iyẹnrẹ Esiri ri Luk 16:22

Ovwiogbere na de ghwu emakashe de muo kpo agada rẹ Ebraham. Ọdafe na de ji ghwu rhe e de sho;

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Matiu 18:14

Eriyin na ọ dia ẹguọnọ rẹ Ọsẹ rẹ ovwan rọ hẹ obo odjuvwu rere ọvo rẹ imitete na vwo ghwru-u.

Matiu 18:6

Ẹkẹvuọvo ohwo kohwo ro kpokpo ọvo vwẹ usun rẹ emọ nana ri segbuyota na ro de she, oyoma kẹ ohwo yena rere o churu olalọ si ohọre re o divwi ghwu vwẹ abadi.

Matiu 2:19

Ẹkẹvuọvo ọke ri Herọd rhi vwo ghwu nu, amakashe rẹ Ọghẹnẹ da vwẹ oma phia kẹ Josẹf vwẹ evwerhẹ vwẹ Ijipt nẹ,

Matiu 2:13

Rẹ ayen vwo kpo nu nighe amakashe da vwẹ oma phia kẹ Josẹf vwẹ evwerhẹ ọ da ta, Vrẹn wo mu ọmọ na re wọ djẹ kpo Ijipt, kugbe oni rọye, wọ dia oboyi bẹsiẹ me vwọ vuẹ ovuẹ rhe wẹ, kidie Herọd guọnọ ọmọ na hwe.

Matiu 1:20

Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

1 Tẹsalonaika 4:8

Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.

1 Kọrẹnt 11:22

Die! Ovwan vwo uwevwi ra da da ra da ria-a? Eyẹ kẹ ovwan jẹ ishọshi rẹ Ọghẹnẹ fia wa me rha phọphọ otu re mrẹ ria-a? Kidie me ta kẹ ovwan? Ki mi jiri ovwan vwẹ ọnana? Ejo vwo, mi se jiri ovwa-an.

1 Kọrẹnt 16:11

Ọtiọye na e jẹn ohwo ọvuọvo jẹfia-a. We suo vwẹ idjerhe rọye vwẹ ufuoma, rere o rhivwi bru uvwe rhe, kidie mi phiẹrohọ nẹ ọ vẹ imoni na re gba cha rhe.

Ọbe ri Pọl si rhe Ihwo ri Rom 14:10

Ẹkẹvuọvo wẹ, die nẹrhẹ owẹ guẹdjọ rẹ oniọvo wẹn? Eyẹ owẹ, die wọ vwọ jẹ oniọvo wẹn fia? Kidie avwanre ejobi che mudia vwẹ obaro rẹ ekete rẹ ẹdjeguo rẹ Ọghẹnẹ;

Iruo rẹ Iyinkọn na 27:23

Kidie vwẹ ason nana dẹn na amakashe rẹ Ọghẹnẹ re me ga na ro ji vwovwe na de rhi mudia kẹrẹ ovwẹ,

Iruo rẹ Iyinkọn na 12:23

Siẹvuọvo na amakashe rẹ Ọrovwohwo da ghwiẹ, fikiridie ọ vwẹ urinrin kẹ Ọghẹnẹ-ẹ; ihori da riọ o de ghwu.

Iruo rẹ Iyinkọn na 12:15

Ayen da ta kẹ, Wọ mwa orhuẹ. Ẹkẹvuọvo ọ da tua unu mu ayen nẹ ghine ọtiọye. Ayen da ta nẹ, ọ dia amakashe rọye heyọ!

Iruo rẹ Iyinkọn na 10:3

Vwẹ oghẹruvo vwẹ ẹdẹ na, kerẹ emu rẹ unọke rirhiri ọ da mrẹ amakashe rẹ Ọghẹnẹ ro bruro rhe vwẹ emramrẹ ro sere nẹ, Kọniliọs.

Iruo rẹ Iyinkọn na 5:19

Ẹkẹvuọvo ọke rẹ ason amakashe rẹ Ọrovwohwo de rhie ẹchẹ rẹ uwodi na phihọ ọ da reyọ ayen rhe otafe ọ da ta nẹ,

Une rẹ Ejiro 17:15

Vwọ kẹ vwẹ, me cha vwẹ ọvwata mrẹ opharo wẹn, Me da rhọvwọ, evun kọ vọn vwẹ re me da mrẹ wẹn.

Une rẹ Ejiro 15:4

Ohwo rọ je ihwo fia tuoma, ẹkẹvuọvo o mi rhe mu ọghọ ke ihwo re dje oshọ re Ọrovwohwo ro duvwu iyori kẹ omobọ rọye ọ da dia obo re miavwọ dede ọ gbi se kue rhẹriẹ-e,

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

1 Timoti 4:12

E jẹn ohwo ọvuọvo ni we saka fiki rẹ obo wo vwọ hẹ omotete-e, ẹkẹvuọvo gba vwẹ oma wẹn ru oniru kẹ otu ri segbuyota na vwẹ ota vẹ uruemu, vwẹ ẹguọnọ, vwẹ esegbuyota, vwẹ ẹfuọn.

1 Kọrẹnt 9:22

Me vwẹ oma ru ọvwiẹre kẹ otu rẹ evwiẹre, rere mi vwo se ku otu rẹ evwiẹre rhẹriẹ. Mi rhi hirhe phihọ emu ejobi kẹ ihwo ejobi, rere mi se vwo sivwi otu evo.

Ọbe ri Pọl si rhe Ihwo ri Rom 15:1

O fori rere avwanre ihwo re ganre na vwo chirako rẹ otu re evwiẹre na, avwanre rhe nene ojevwe rẹ oma rẹ avwanre ọvo-o.

Ọbe ri Pọl si rhe Ihwo ri Rom 14:21

O fori rere ohwo vwo jẹ uvwo rẹ eranvwe ẹriọ eyẹ ro vwo jẹ udi ẹda eyẹ kemu kemu rọ nẹrhẹ oniọvo wẹn she eruo.

Ẹvwọphia 8:2

Etiyin me da mrẹ emakashe ighwrẹ ri mudia vwẹ obaro rẹ Ọghẹnẹ, a da vwẹ ewanre ighwrẹ kẹ ayen.

Galesha 6:1

Imoni, ohwo ru umwemwu, ovwan re herọ vwẹ evun rẹ Erhi na me vwẹ erhi dẹndẹn vwọ reyọ rhe. Ni oma wẹn te, ọ dia ọtiọye-e a da rha davwe owẹ ni.

2 Kọrẹnt 10:10

Kidie ayen ta, Ẹbe rọye vwo ọnye e ke je gan, ẹkẹvuọvo ugboma rọye epha puẹchẹ, ota rọye rue emuọvo-o.

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Matiu 12:20

O che vwirhi ugbẹn rẹ eyareya-a, Eyẹ o che se fu umwerhanre-e, Bẹsiẹ ro che vwo brorhiẹ na ejobi kparobọ.

Zekaraya 13:7

Vrẹn, E ọlọkọ, vwọ kpahe osuigegede Mẹ, vwọ kpahe ohwo ro mudia kere ovwẹ na, Ọrovwohwo rẹ otuofovwi tare . Nyavwe osuigegede na, rere vwọ mrasan hra, Me cha rhẹriẹ obọ mẹ kpahe emọ rẹ igegede na.

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Ẹsta 1:14

ihwo re vwọ kpahọ da dia Kashena, Sheta, Admata, Tashishi, Meres, Masena, kugbe Memukan, isun ighwrẹn ri Pẹsha kugbe Media, re mrẹ opharo rẹ ovie na, eye je ihwo ri tidia ka obaro vwẹ uvie na.

2 Samuẹl 14:28

Absalọm da dia Jerusalẹm ikpe ivẹ jẹn ọ mrẹ opharo rẹ ọsẹ rọye-e.

Hibru 9:24

Kidie Kristi ro ẹshẹ ra vwẹ obọ ru-u, uhoho rẹ ọ rẹ omamọ na, ẹkẹvuọvo okpoyovwi rẹ odjivwu dẹn, asakiephana kọ phia vwẹ obaro rẹ Ọghẹnẹ rọ rẹ kẹ avwanre.