Matiu 16:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Jesu vwọ riẹn obọ rẹ ayen roro, ọ da ta nẹ, Edje ri jẹ esegbuyota evwo na, Die ovwan roro vwẹ udu rẹ ovwan nẹ, avwanre vwo emuọre-e?

Matiu 16:8 Referans Kwoze

Matiu 6:30

Ọ da dia nẹ Ọghẹnẹ sa vwẹ amwa rhuo idodo rẹ aghwa, re rhua bodo bodo nonẹ, odẹ rọ cha a gbẹn ayen kufia, komavọ o rhuo ovwan te, iri vwo esegbuyota krẹkrẹ na?

Matiu 14:31

Siẹvuọvo na ọ da yọnrọn, ọ da kparọ, ọ da ta kẹ nẹ, esegbuyota wẹn hanvwe nọ, die nẹrhẹ owẹ vwo iroro ivẹ?

Iyẹnrẹ Esiri ri Mak 16:14

Ukuko rọye ọ da vwẹ oma phia kẹ uhwọvo na rẹ ayen vwo tidia vwẹ udoemu; ọ da ghwọ ku ayen fiki ri jesegbuyota rayen kugbe udu ọgangan rayen, kidie ayen se otu re mrẹrẹ ro vwo vrẹn nu na gbuyota-a.

Matiu 8:26

Ọ da ta kẹ ayen nẹ, die ovwan vwọ djẹ oshọ, ovwan ri vwo esegbuyota tutuno na? Ọ de vrẹn, ọ da van ku odju na kugbe abadi na, asan ejobi da ghwa fọ riei.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

Iyẹnrẹ Esiri ri Jọn 16:30

Asakiephana avwanre riẹnre nẹ wọ riẹn emu ejobi re, ọ gbe guọnọ nẹ ohwo ọvuọvo nọ wẹ-ẹ; kẹ ọna avwanre vwo segbuyota nẹ obọ rẹ Ọsẹ na wọ nurhe.

Matiu 16:7

Ayen ki roro vwẹ omoma rẹ ayen nẹ, kẹ obo rẹ avwanre rha ghwa emuọre-e.