Matiu 16:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Kohwo kohwo ro sivwi arhọ rọye o kuọfia; ọ ro ku arhọ rọye fia kọ mrẹ reyọ.

Matiu 16:25 Referans Kwoze

Matiu 10:39

Ohwo rọ guọnọ arhọ rọye ko kuofia, ọ ro rhe ku arhọ rọye fia fiki mẹ ko sivwo rhọ.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.

Iyẹnrẹ Esiri ri Mak 8:35

Kidie kohwo kohwo ro sivwi arhọ rọye ko kuo fia; ohwo kohwo ro ku arhọ rọye fia fiki mẹ vẹ fiki rẹ iyẹnrẹ esiri na ke sivwo rhọ.

Iyẹnrẹ Esiri ri Jọn 12:25

Ọ rọ guọnọ rọye ko kuofia; ohwo ro ku arhọ rọye fia vwẹ akpọ nana kọ sẹro rọye re te arhọ ro vwo oba-a.

Iyẹnrẹ Esiri ri Luk 17:33

Kohwo kohwo rọ guọnọ arhọ rọye sivwi ko kuofia, ẹkẹvuọvo kohwo kohwo ro ku arhọ rọye fia ko sivwo.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Ẹsta 4:14

Kidie wo de fotovwi vwẹ ọke ọtiọnana, ọfuvwegbe vẹ esivwo cha wan asan ọfa bru ihwo ri Ju rhe-e, ẹkẹvuọvo te owẹ te uwevwi rẹ ọsẹ wẹn cha ghwọrọ. Kono riẹnre nẹ wọ je rhe uvie na vwẹ utiẹ ọke ọtiọnana?

Matiu 16:26

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

Aghwoghwo 3:6

ọke ra vwọ guọnọ vẹ ọke ri vwo ghwrẹ nẹ obọ; ọke ra vwọ vwẹ ẹro te vẹ ọke re vwo kuẹfia;