Matiu 16:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

Matiu 16:16 Referans Kwoze

Matiu 14:33

Ihwo re hẹ evun rẹ okọ na da vwarọ, ayen da ta nẹ, Uyota, ọmọ rẹ Ọghẹnẹ wo ghine ruẹ.

Iyẹnrẹ Esiri ri Jọn 11:27

Ọ da ta kẹ, E, Ọrovwohwo; mi segbuyota nẹ wẹ hẹ Kristi na, Ọmọ rẹ Ọghẹnẹ na, ọye hẹ ọ rọ cha akpọ na.

1 Jọn 4:15

Kohwo kohwo rọ rhọvwere nẹ Jesu hẹ Ọmọ rẹ Ọghẹnẹ, Ọghẹnẹ ke dia evun rọye, kọ je dia evun rẹ Ọghẹnẹ.

Matiu 27:54

Ọke yena olori rẹ isodje rọ rhẹrẹ Jesu vwẹ etiyin, kugbe otu rọye, vwọ mrẹ otọ re kpoghori, kugbe emu buebu re phiare na, oshọ de mu ayen gangan ta nẹ, Uyota ohwo nana ghine ọmọ rẹ Ọghẹnẹ.

1 Timoti 4:10

Fiki rẹ onana avwanre vwọ wian rẹ avwanre vwọ pharha, fikiridiẹ avwanre phiẹrohọ Ọghẹnẹ ri bẹdẹ na, ọye hẹ Osivwi rẹ ihwo ejobi, marho kẹ ayen otu ri sere gbuyota.

Iruo rẹ Iyinkọn na 9:20

Siẹvuọvo na ọ da ro evun ri Sinegog o de ghwoghwo Jesu, tanẹ, Ọmọ rẹ Ọghẹnẹ o ruẹ.

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

Matiu 26:63

Ẹkẹvuọvo Jesu de fotovwi. Ọrherẹn rode na da ta kẹ nẹ, Vwẹ ode rẹ Ọghẹnẹ ri bẹdẹ na, ta kẹ vwẹ, wẹ ghine Kristi na, Ọmọ rẹ Ọghẹnẹ na.

1 Jọn 5:5

Kono hẹ ohwo ro phi akpọ na kparobọ na, ọ rha dia ohwo ro se Jesu Ọmọ rẹ Ọghẹnẹ na, gbuyota?

Hibru 10:31

Emu ro mu oshọ gangan re vwo she phihọ obọ rẹ Ọghẹnẹ ri bẹdẹ na.

Ọbe ri Pọl si rhe Ihwo ri Rom 1:4

re dje phia nẹ Ọmọ rẹ Ọghẹnẹ vwẹ ogangan kirobo rẹ Erhi ọfuanfon na vwe rọ phia vwẹ oma rẹ evrẹnushi rọye nẹ ughwu, ọye hẹ Jesu Kristi Ọrovwavwanre,

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

Iyẹnrẹ Esiri ri Mak 14:61

Ẹkẹvuọvo ọ da fotovwi, ọ kpahe emuọvo-o. Orherẹn rode na da rhoma nọ, Wọwẹ hẹ Kristi na, Ọmọ rẹ o ro vwo Ebruphihọ na?

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Urhi Rivẹ 5:26

Kidie didi ohwo vwẹ ihwo na ejobi ri nyo urhuru rẹ Ọghẹnẹ rọ ta ota, nẹ evun rẹ erhanre rhe, kirobo rẹ avwanre nyoro na, rọ da rhọ?

Iyẹnrẹ Esiri ri Jọn 20:31

ẹkẹvuọvo e si enana rere ovwan vwo se segbuyota nẹ Jesu hẹ Kristi na, Ọmọ rẹ Ọghẹnẹ na, rere we de segbuyota ovwan vwo se vwo arhọ vwẹ odẹ rọye.

Iyẹnrẹ Esiri ri Jọn 1:49

Nataniẹl da kpahe kẹ, Rabbi, Wẹ hẹ Ọmọ rẹ Ọghẹnẹ na! Wẹ hẹ Ovie ri Ju na!

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

2 Kọrẹnt 3:3

ovwan dje phia nẹ ovwan hẹ ọbe ro nẹ obọ ri Kristi rhe rẹ avwanre vwọ kẹ ovwan, ra vwẹ amu si-i ẹkẹvuọvo vwẹ Erhi rẹ Ọghẹnẹ ro jeghwo na, ọ dia enu rẹ ọphapha rẹ oragha-a ẹkẹvuọvo vwẹ enu rẹ ophapha rẹ udu rẹ ihwo.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Matiu 4:3

Idebono da rhe ọ da ta kẹ nẹ, Wọ da ghene dia ọmọ rẹ Ọghẹnẹ, gbe hirhe ibiekpẹn nana phihọ emu rere wọ re.

Une rẹ Ejiro 42:2

Urhuru rẹ Ọghẹnẹ si ẹnwẹ mẹ, kidie wẹ Ọghẹnẹ ro jeghwo Ọkevọ me cha vwọ mrẹ opharo re Ọghẹnẹ?

Iruo rẹ Iyinkọn na 8:36

Rẹ ayen vwo nene idjerhe yanran ayen de rhi te asan ame ọvo, ọghwara na da ta, Nighe, ame hẹ etinẹ! Kidie rha djẹ vwẹ ame ẹreyọ? [

Iyẹnrẹ Esiri ri Jọn 6:69

avwanre ji segbuyota, avwanre je rhe riẹn nẹ, wẹ hẹ Ọfuanfon Ọvuọvo rẹ Ọghẹnẹ.

Matiu 1:16

Jekọp kọye ọsẹ ri Josẹf rẹ ọshare ri Meri, ro vwiẹ Jesu, re se Kristi.

Matiu 16:15

Ọ da ta kẹ ayen nẹ, kono ovwan ta ne me epha?

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Iyẹnrẹ Esiri ri Jọn 6:57

Kirobo rẹ Ọsẹ ro je ghwo na ju vwe na, re me da rhọ fiki rẹ Ọsẹ na, ọtiọye ohwo rọ re vwe nu je rhọ fiki mẹ.

Iyẹnrẹ Esiri ri Jọn 6:68

Saimọn Pita da kpahe kẹ, Ọrovwohwo, kono mi bru ra? Wẹ ri vwo eta rẹ arhọ ri bẹdẹ na;

2 Kọrẹnt 1:19

Kidie Ọmọ rẹ Ọghẹnẹ na, Jesu Kristi, re avwanre ghwoghwo vwẹ ohri rẹ ovwan na, Silvanọs kugbe Timoti kugbe omẹvwẹ, dia ihwo ri E vẹ Ejọ-o; ẹkẹvuọvo E ọvo re he evun rọye.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Ẹvwọphia 7:2

Etiyin me da mrẹ amakashe ọfa ro yere kpenu nẹ obaro ọnre cha, vẹ usiaphrẹ rẹ Ọghẹnẹ ri bẹdẹ na vwẹ obọ, ọ da va se emakashe enẹ na ra vwẹ ogangan kẹ nẹ e guọghọ akpọ na kugbe abadi na,

Iruo rẹ Iyinkọn na 8:37

Filip da ta, Wo de ghine segbuyota vwẹ udu wẹ, ku wọ sa reyọ; ọ da kpahe, Mi segbuyota nẹ Jesu Kristi hẹ Ọmọ rẹ Ọghẹnẹ.]