Matiu 13:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹfa de she phihọ otọ esiri, e da djẹ e da mọ emamọ, evo ujori, evo ujorha, evo ọgban.

Matiu 13:8 Referans Kwoze

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Matiu 13:23

Ọ ra kọn phihọ otọ rẹ esiri na, eye hẹ edje ri nyo ota na, re riẹn otọ rọye, e da ghene mọ emamọ, evo ujori, evo ujorha, evo ọgban.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Jẹnẹsis 26:12

Aizik de voro udju ukpe yena vwẹ otọ na, o de vun ujori. Ọrovwohwo de bruphihọ kẹ,

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Ọbe ri Pọl si rhe Ihwo ri Rom 7:18

Me riẹnre nẹ emu ọvuọvo ro yovwiri hẹ evun mẹ-ẹ, kọye hẹ ugboma mẹ. Mi vughe obo ri yovwiri, ẹkẹvuọvo yi mi se ruo-o.

Matiu 13:7

Ẹfa de she phihọ ohri rẹ inwe; inwe na dje rhe i de duvwu ayen hwe.

Iyẹnrẹ Esiri ri Mak 4:8

Efa de she phihọ otọ rẹ esiri, e da djẹ phia, ẹ da mọ, ẹvo ọgban, ẹvo ujorha, ẹvo ujori.

Iyẹnrẹ Esiri ri Mak 4:20

Ena e ra kọn phihọ otọ esiri na i ri nyo ota na, ayen da reyọ, ọ da mọ emamọ, ẹvo ọgban ẹvo ujorha, ẹvo ujori.

Iyẹnrẹ Esiri ri Luk 8:8

Efa de she phiyọ otọ esiri, e da djẹ, e da mọ emamọ uri akon uri. Rẹ ọ vwọ ta Ọnana, o de kperi, ''Ọ ro vwo erhọn ro vwo nyo, e jẹ o nyo.