Matiu 13:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Ọmọ rẹ ohwo ko che ji emakashe rọye ro akpọ na, ayen kẹ cha sanọ ihwo ri kpokpo uvie rọye nẹ akpọ na kugbe ihwo ri ruẹ imwemwu koko,

Matiu 13:41 Referans Kwoze

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.

Matiu 18:7

Ekan kẹ akpọ na fiki rẹ ogbarogba! o dianẹ ogbarogba karọ-ọ, ẹkẹvuọvo ekan kẹ ohwo rọ wan obọ rọye rhe.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

Ọbe ri Pọl si rhe Ihwo ri Rom 2:16

Vwẹ ẹdẹ yena, kirobo rẹ iyẹnrẹ esiri mẹ epha, Ọghẹnẹ ko guẹdjọ rẹ odjahọ rẹ ihwo vwẹ oma ri Kristi Jesu.

Matiu 13:49

Ọtiọye ọ cha dia vwẹ oba rẹ akpọ na; emakashe ke cha rhe, ke cha sanọ evwata nẹ ohri rẹ iruimwemwu.

Iyẹnrẹ Esiri ri Mak 13:27

Etiyin ko che ji emakashe na, re koko otu ra jẹreyọ na nẹ igogo ẹne rẹ akpọ na rhe nẹ oba rẹ akpọ na re rẹ oba rẹ odjuvwu.

Matiu 8:20

Jesu da kpahe kẹ nẹ, irhirako vwo mu, ephran vwo ẹho, ẹkẹvuọvo ọmọ rẹ ohwo vwo asan rọ vwẹ uyovwi hwa-a.

Zẹfanaya 1:3

Mi hwerhe ohwo vẹ eranvwe kufia; mi hwerhe emephran rẹ obenu kufia kugbe eri rẹ abadi na. Me guọghọ ohwo umwemwu fiọtọ kakare, me nyavwẹ ohwo rẹ akpọ kufia nẹ enu rẹ akpọ na, eriyin Ọrovwohwo na tare.

2 Samuẹl 23:6

Ẹkẹvuọvo ihwo ri vwo Ọghẹnẹ-ẹ họhọ inwe ra kpare kufia; Kidie a sa vwe obo mu aye-en.

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.