Matiu 13:40 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁰ Kirobo ra gba ego na koko ra da torhẹ ayen na, ọtiọye ọba rẹ akpọ na cha dia.

Matiu 13:40 Referans Kwoze

Matiu 13:39

Ọvweghrẹ na kẹ idẹbono; orhọ na kẹ oba rẹ akpọ na, ihwo ri vuẹ na kẹ emakashe.

Matiu 12:32

Kohwo kohwo rọ ta ota omiomiovwi kpahe ọmọ rẹ ohwo e vwo ghovwo, ẹkẹvuọvo ọ rọ ta ota omiomiovwi kpahe Erhi Ọfuanfon na e se vwo ghovwo-o.

Matiu 13:22

Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Matiu 13:49

Ọtiọye ọ cha dia vwẹ oba rẹ akpọ na; emakashe ke cha rhe, ke cha sanọ evwata nẹ ohri rẹ iruimwemwu.

Matiu 24:3

Ọke ro vwo tidia vwẹ enu rẹ ugbenu rẹ Oliv, idibo rọye da bẹbẹ bro rhe nẹ, ta kẹ avwanre, ọkevọ emu nana cha vwọ phia? eyẹ kọrhọ re cha dia oka rẹ ẹcha rẹ ọmọ rẹ ohwo, kugbe oba rẹ akpọ na?

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

1 Kọrẹnt 10:11

Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.