Matiu 13:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Itẹ nana ejobi eye Jesu kperi kẹ ihwo buebu na, ọ dia itẹ-ẹ a gbe ta ota kẹ aye-en.

Matiu 13:34 Referans Kwoze

Iyẹnrẹ Esiri ri Jọn 16:25

Me ta onana kẹ ovwan vwẹ itẹ; ọke cha ri mi vwo jẹ itẹ ekpe vwọ ta ota kẹ ovwan, ẹkẹvuọvo ke me ta obo rẹ Ọsẹ na epha phephẹ kẹ ovwan.

Matiu 13:13

Fiki rẹ ọtiọye na mi vwo kpe itẹ kẹ ayen, fikiridie ayen mrẹ orẹ yẹ ayen se vughe-e, ayen nyo ẹme yẹ ayen riẹn otọ rọye-e.

Matiu 13:3

Ọ da ta ota buebu kẹ ayen vwẹ itẹ, ọ da ta nẹ, Nighe, ọkekankọn ọvo yanran ra kọn.

Iyẹnrẹ Esiri ri Jọn 10:6

Itẹ nana Jesu kpe kẹ ayen, ẹkẹvuọvo ayen vwo ẹruọ rẹ obo rọ ta kẹ aye-en.

Iyẹnrẹ Esiri ri Jọn 16:29

Idibo rọye da ta, Ẹhẹ, asakiephana wọ ke ta ota na phephẹ, wo kpe itẹ vwọ ta-a!