Matiu 13:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ẹkẹvuọvo ọke rẹ asọn re ihwo vwọ vwerhẹ nu, ọvweghrẹ rọye da rhe kọn ego kugbe irosu na, ọ da yanran.

Matiu 13:25 Referans Kwoze

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

2 Pita 2:1

Ẹkẹvuọvo emraro rẹ efian rhi mu vwẹ ohri rẹ ihwo na, kirobo rẹ iyono rẹ efian je hẹ ohri rẹ ovwan na, re bẹbẹ vwẹ uyono rẹ ohra cha, re tobọ siẹn Onini na ro dẹ ayen na, rọ nẹrhẹ ughwu rhe ghwọrọ ayen kpregede.

Matiu 13:39

Ọvweghrẹ na kẹ idẹbono; orhọ na kẹ oba rẹ akpọ na, ihwo ri vuẹ na kẹ emakashe.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Hibru 12:15

E ja mrẹ nẹ ohwo ọvuọvo fiabọ rẹ ẹserọphẹ rẹ Ọghẹnẹ na-a; e jẹn owọ urhe rẹ ophu tan cha vwẹ ohri rẹ ovwan rọ so okpetu-u, ro che gbe ihwo buebu ẹgua-a;

Matiu 25:5

Ọpha na gbe fobọ rhe-e, ikọpha na da vwerhẹ re.

Galesha 2:4

Ẹkẹvuọvo, fiki rẹ imoni rẹ efian na re bẹbẹ rhe, ri sioma nu rere ayen vwọ mrẹ otọ rẹ egbemọphẹ rẹ avwanre vwori vwẹ oma ri Kristi Jesu, rere ayen vwọ mrasan vwẹ avwanre ru eviẹn.

Ẹvwọphia 2:20

Ẹkẹvuọvo mi vwo ota re me ta kpahe owẹ, nẹ wo chirako rẹ aye re se Jezibẹl, ro se oma rọye ọmraro o de yono ọ da riẹriẹ idibo mẹ nẹ i gbe ọfanrhiẹ, ọ da nẹrhẹ ayen re emu ra vwọ gọ ema.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Matiu 13:24

O de ji kpe itẹ ọfa kẹ ayen nẹ, uvie rẹ odjuvwu hohọ ohwo rọ kọn emamọ esiri phihọ udju rọye.

Matiu 13:26

Ọke rhi vwo te, ego na vẹ irosu na de rhi gro kugbe.

Matiu 13:27

Idibo rẹ ohwo na da rhe vuẹ nẹ, Ọga, ọ dia irosu wọ kọn phihọ udju wẹ-ẹn? Komavọ ego rha vwọ djẹ vwọ?

Matiu 13:29

Ọ da sen ta nẹ, we de ghwie ego na kẹ ovwan vwẹ irosu na ba ghwie.

Matiu 13:30

We jẹn ayen ivẹ na rho kugbe tavwe. Orhọ de te re, ke me ta kẹ otu ri vuẹ nẹ, Ovwan ka ghwẹ ego na koko, wa gba ayen ẹkuẹko rere a torhẹ ayen; ẹkẹvuọvo irosu mẹ ri chekọ na we gbeje ayen kpo erhu.

1 Ivie 3:20

Ọ de vrẹn vwẹ uherevie ason, o de mu ọmọ mẹ ro shevwerhẹ kẹrẹ ovwẹ mie vwe, yẹ ọmọtẹ wẹn vwerhẹ, o de muo shevwerhẹ udu rọye, o de mu ọmọ rọye ro ghweghwu na shevwerhẹ udu mẹ.