Matiu 13:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọ ra kọn phihọ otọ rẹ esiri na, eye hẹ edje ri nyo ota na, re riẹn otọ rọye, e da ghene mọ emamọ, evo ujori, evo ujorha, evo ọgban.

Matiu 13:23 Referans Kwoze

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Iyẹnrẹ Esiri ri Jọn 15:16

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Matiu 12:33

Ru urhe yovwi rere emamọ rọye vwerhe; eyẹ gbe ru urhe na miovwi rere emamọ rọye miovwi; Kidie emamọ rẹ urhe ọye e vwo vughe.

Matiu 13:8

Ẹfa de she phihọ otọ esiri, e da djẹ e da mọ emamọ, evo ujori, evo ujorha, evo ọgban.

Kolose 1:6

Ota ro bru ovwan rhe na, obo rẹ ota na hrabọ ro akpọ na ejobi te, kirobo rọ je ghwa hrabọ te vwẹ uherevie rẹ ovwan na, nẹ ẹdẹ rẹsosuọ rẹ ovwan vwo nyo ota rẹ uyota rẹ ẹserọphẹ rẹ Ọghẹnẹ na.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Iyẹnrẹ Esiri ri Luk 13:9

Ọ da mọ emamọ vwẹ ukpe rọ cha yẹ o yoma; ẹkẹvuọvo ọ gbe mọ-ọ, ku wo se she teye otọ.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

Hibru 8:10

Ọnana hẹ ọphọ re me vẹ uwevwi rẹ Izrẹl cha re vwẹ ọke rẹ ẹdẹ yena da wan nu, eriyin Ọrovwohwo tare; ki mi che phi urhi mẹ phihọ udu rayen, ke si ayen phihọ ubiudu rayen, ke me dia Ọghẹnẹ rayen, ayen ke dia ihwo mẹ.

Hibru 4:2

Kidie e gbe ikun esiri na kẹ avwanre kirobo re ji gbe kẹ ayen; ẹkẹvuọvo ota na rẹ ayen nyori na fi erere kẹ aye-en, fikiridie a mrẹ esegbuyota vwẹ oma rẹ ayen otu ri nyoro-o.

2 Tẹsalonaika 2:10

Vwẹ uvun umwemwu vẹ ophiẹvwẹ rẹ ayen otu re ghwọrọ kuẹfia, fikiridie ayen senre ayen guọnọ uyota na-a e de rhe sivwi ayen rhọ.

1 Tẹsalonaika 4:1

Ọ ra ka oba, imoni avwanre rẹ ovwan bru ovwan uche vwẹ evun rẹ Ọrovwohwo Jesu, nẹ kirobo rẹ ovwan yono miẹ avwanre vwọ kpahe obo rẹ ovwan yeri re we vwo se ru obo ri je Ọghẹnẹ, kirobo rẹ ovwan ruẹ na, we gbe ru ọtiọye phihọ.

Filipae 4:17

Ọ dianẹ ke me guọnọ ọko-o; ẹkẹvuọvo obo re me guọnọre kẹ iruo esiri rẹ ovwan.

2 Kọrẹnt 9:10

Ohwo rọ vwẹ ekankọn kẹ ọghwẹrẹ nẹ ọ kọn kugbe emuọre kẹ nẹ ọ re kọ je kẹ ọ me nẹrhẹ okọn rọye buphihọ ọ mi rhe ru orho rẹ ovwata wẹn buphihọ.

Iruo rẹ Iyinkọn na 17:11

Asakiephana ihwo ri Ju nana keye me ru dẹndẹn nọ ayen otu re hẹ Tẹsalonaika, kidie urhuru rẹ ota na si ayen gangan, kẹ ayen hiẹ ẹbe ọfuanfon na sẹ imu nana ghine ọtiọye.

Iruo rẹ Iyinkọn na 16:14

Aye ọvo re se Lidia de nyo ota rẹ avwanre, ohwo rẹ orere ri Taitira, ifenudu ọ shẹ, ọgọ Ọghẹnẹ o ruẹ. Ọrovwohwo de rhie udu rọye phihọ kẹ eta ri Pọl ta kẹ.

Iyẹnrẹ Esiri ri Jọn 8:47

Ọ rọ dia ọ rẹ Ọghẹnẹ nyo eta rẹ Ọghẹnẹ; otọ rẹ obo rẹ ovwan gbi nyo aye-en na kọye sorọ rẹ ovwan vwo jẹ ọ rẹ Ọghẹnẹ ẹ dia.

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Iyẹnrẹ Esiri ri Mak 10:15

Uyota mẹ ta kẹ ovwan, ohwo kohwo rọ reyọ uvie rẹ Ọghẹnẹ kerẹ omotete-e, ọ sa ruo-o.

Iyẹnrẹ Esiri ri Mak 4:20

Ena e ra kọn phihọ otọ esiri na i ri nyo ota na, ayen da reyọ, ọ da mọ emamọ, ẹvo ọgban ẹvo ujorha, ẹvo ujori.

Matiu 3:10

Asakiephana ushurhe ọ hẹ otọ rẹ irhe na re, urhe rọ gbe mọ emamọ esiri-i, ke she vwo mu erhanre.

Izikiẹl 36:26

Udu ọkpokpọ kọye me vwọ kẹ wẹ, erhi ọkpokpọ kọye mi phihọ evun wẹn, ke me reyọ udu rẹ oragha nẹ evun wẹn ke me kẹ wẹ udu rẹ uvwo.

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Hibru 6:7

Kidie otọ rọ da ame rẹ osio rọ rhọ phihọ, ro de yovwi emu kẹ otu ri voiro, ke mrẹ ebruphihọ nẹ obọ rẹ Ọghẹnẹ rhe.

Iyẹnrẹ Esiri ri Luk 8:8

Efa de she phiyọ otọ esiri, e da djẹ, e da mọ emamọ uri akon uri. Rẹ ọ vwọ ta Ọnana, o de kperi, ''Ọ ro vwo erhọn ro vwo nyo, e jẹ o nyo.