Matiu 13:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Matiu 13:22 Referans Kwoze

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

Iyẹnrẹ Esiri ri Luk 8:14

Ena iri she phiyọ ohri rẹ iwen, ena ihwo ri nyori, ẹkẹvuọvo rẹ ayen vwọ yanran vwẹ idjerhe re, ẹnwan rẹ akpọ efe kugbe avwerhe rẹ akpọ de rhi keke ota na, o gbi jẹ ayen mọ ubi-i.

Iyẹnrẹ Esiri ri Luk 12:15

Ọ da ta kẹ ayen, Jomaotọ, re wo si oma wẹn nẹ urhuru evwo; ọ dia efe buebu rẹ ohwo vwori ọye urhuarhọ rọye epha-a.

2 Timoti 4:10

Kidie Dimas, rẹ urhuru rẹ akpọ shi, djẹ jẹ uvwe vwo kpo Tẹsalonaika; Krẹsẹns dje kpo Gaiesha, Taetọs kpo Daimesha.

Matiu 13:7

Ẹfa de she phihọ ohri rẹ inwe; inwe na dje rhe i de duvwu ayen hwe.

Iyẹnrẹ Esiri ri Luk 12:21

Ọtiọye ọ epha kẹ ohwo ro koko efe kẹ oma rọye, o gbi rhe fe vwọ kẹ Ọghẹnẹ-ẹ.

Une rẹ Ejiro 52:7

Nighe ohwo rọ vwẹ Ọghẹnẹ ru odjahọ rọye-e, ẹkẹvuọvo ọ de vwe ẹro so efe buebu rọye, o de re si oma nu vwẹ evun re efe rọye.

Iyẹnrẹ Esiri ri Luk 21:34

Ẹkẹvuọvo kẹnoma wẹn ọ dia eriyi-in iroro wẹn da rhe vọn vẹ oseghe kugbe idiẹda vẹ enwan rẹ akpọ nana, rẹ ẹdẹ yena da rhe vwa wẹ kpregede kerẹ ufi;

Jerimaya 4:3

Kidie enẹ Ọrovwohwo ta kẹ eshare ri Juda kugbe ihwo re dia Jerusalẹm: Voro otọ rẹ udju wẹn na, wọ kọn ekankọn phihọ ohri rẹ inwe-e.

Isẹ 11:28

Ohwo rọ vwẹ ẹro so efe rọye che vwioro, ẹkẹvuọvo ọvwata kọ cha rho bodo bodo kerẹ ẹbẹ ọkpokpọ.

Une rẹ Ejiro 62:10

Wọ vwẹ ẹro so ọghwanre-e, wo phiẹrohọ uji echo-o; efe de buẹ, wọ vwẹ udu wẹn kpahe aye-en.

Iruo rẹ Iyinkọn na 8:18

Asakiephana ri Saimọn vwọ mrẹ nẹ fiki rẹ obọ ẹghwẹ kpahọ rẹ iyinkọn na nẹrhẹ a vwẹ Erhi Ọfuanfon na kẹ ihwo na, ọ da vwẹ igho kẹ ayen,

Aghwoghwo 4:8

ohwo ro vwo ohwo-o, o vwo ọmọshare-e eyẹ oniọvo rẹ ọshare-e, yo siẹgba rẹ owian, yẹ efe ro vwori da ẹro-o, o rha nọ oma rọye nẹ, kono mi vwi fiki rọye wian owian nana rọ djẹ vwẹ omavwerhovwẹ e vwo na? Ọnana je hẹ odiodi vẹ iruo rẹ omaẹlaghọ.

Isẹ 23:5

Ọke wọ da ghwa kpare aro mrẹ re, ọ me ghwa ranvwiẹ; kidie siẹvuọvo na o me ghwa bẹrẹ ibekpe, ọ me ghwa rhan kpenu kerẹ egodi.

Matiu 12:32

Kohwo kohwo rọ ta ota omiomiovwi kpahe ọmọ rẹ ohwo e vwo ghovwo, ẹkẹvuọvo ọ rọ ta ota omiomiovwi kpahe Erhi Ọfuanfon na e se vwo ghovwo-o.

Matiu 13:39

Ọvweghrẹ na kẹ idẹbono; orhọ na kẹ oba rẹ akpọ na, ihwo ri vuẹ na kẹ emakashe.

Matiu 13:40

Kirobo ra gba ego na koko ra da torhẹ ayen na, ọtiọye ọba rẹ akpọ na cha dia.

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

1 Kọrẹnt 1:20

Tivọ ọvwẹghwanre na he epha? Tivọ osiọbe na epha? Tivọ ọgbaphro rẹ oge na epha? Ọ dianẹ Ọghẹnẹ hirhe aghwanre rẹ akpọ na phihọ ugheghẹ?

1 Kọrẹnt 2:6

Vwẹ ohri rẹ ihwo rẹ ghwanre kẹ ọye avwanre de yono aghwanre, dede na yọ dia aghwanre rẹ oge nana-a eyẹ ọ rẹ isun rẹ oge nana-a, ri che ghwrẹ kuẹfia na.

1 Kọrẹnt 2:8

Isun rẹ oge nana ọvnọvo vwo ẹruọ rẹ ọnana-a; kidie ọ dianẹ kẹ ayen vworo, ayen a rha kanre Ọrovwohwo rẹ urinrin na mu agbagba-a.

1 Kọrẹnt 3:18

E jẹn ohwo ọvuọvo phiẹn oma rọye-e. Ọ da dianẹ ohwo ọvo vwẹ ohri rẹ ovwan na rori nẹ ọye ghwanre vwẹ oge nana, e gbe jẹn ọ rhoma dia ẹkpa rere ọ ke rhoma ghwanre.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Galesha 1:4

ohwo rọ reyọ oma rọye vwo ru ẹse kẹ avwanre rere ovwo se sivwi avwanre nẹ umwemwu rẹ akpọ nana vwẹ ọtiobo ro de fo kẹ ẹserọphẹ rẹ Ọghẹnẹ rẹ ọsẹ rẹ avwanre.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.