Matiu 13:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọke rẹ ohwo de nyo ikun rẹ uvie rẹ odjuvwu rọ gbe riẹn otọ rọye-e, idẹbono kọ cha, ọ me rhe kọrọ ota na nẹ udu rọye. Edje nana họhọ emamọ ri she phihọ orhoma rẹ idjerhe ye.

Matiu 13:19 Referans Kwoze

Matiu 13:38

Udju na vwenẹ kẹ akpọ na; emamọ esiri na kọye hẹ emọ rẹ uvie na; ẹgo na kẹ emọ rẹ idẹbono;

Hibru 2:1

Vwẹ ọtiọye na avwanre gba nabọ kerhọn rẹ obo rẹ avwanre nyori na, ọ rha dia ọtiọye-e avwanre de rhe bo ghwru.

1 Jọn 5:18

Avwanre riẹnre nẹ kohwo kohwo rẹ Ọghẹnẹ vwiẹri se ruẹ umwemwu-u, ẹkẹvuọvo ohwo rẹ Ọghẹnẹ vwiẹri na ọ nabọ yọnrọn, ohwo umwemwu gbe sa vwẹ obọ te-e.

Matiu 4:23

Jesu da yanrhe yankpo vwi Galili, o de yono ihwo vwi Sinagọg, ọ da ta ota rẹ iyẹnre esiri rẹ uvie na, o de sivwi ihwo buebu re mwa ọga, dohwo doghẹre rẹ emiavwe rọye.

1 Jọn 3:12

ọ dia ọtiobo ri Ken dia ọmọ rẹ idẹbọno ro de hwe oniọvo rọye na-a. Kidie nẹrhẹ ọtobọ hwe? Fikiridie uruemu rọye pha brabra yẹ oniọvo rọye ọvwata.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

2 Tẹsalonaika 2:12

Ọtiọye na ayen ejobi ri se uyota na gbuyota-a re ghọghọ vwẹ umwemwu eruo ke bruhwe ayen.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 2:8

Ẹkẹvuọvo vwọ kẹ ihwo re guọnọ ohẹriẹ re vwẹ ọghọ kẹ uyota na-a, ẹkẹvuọvo ri mu ọghọ kẹ evun umwemwu, ke mrẹ ivun emiovwo vẹ ophu.

Iruo rẹ Iyinkọn na 28:23

Ọke rẹ ayen vwo bru ẹdẹ kẹ nu, ayen buebu de bro rhe asan ro wori. Ọ da nabọ rhie ota na phihọ kẹ ayen nẹ irhiọke re te ovwọnvwọn, ro se oseri rẹ uvie rẹ Ọghẹnẹ na rere o vwo dje Jesu kẹ ayen nẹ evun rẹ urhi ri Mosis na kugbe emraro na rere o vwo mu ayen ẹro.

Iruo rẹ Iyinkọn na 20:25

Asakiephana, gbe nighe, me riẹnre nẹ ovwan re me dia ohri rọye yanrhe yankpo ghwoghwo iyẹnrẹ esiri rẹ uvie na gbe cha mrẹ opharo mẹ ofa-a.

Iruo rẹ Iyinkọn na 18:15

ẹkẹvuọvo ọ da dia oma rẹ enanọ kpahe eta kugbe edẹ kugbe urhi rẹ ovwan, ovwan ọvo nenesi rọye; me senre me sa dia oguẹdjọ rẹ imu nana-a.

Iruo rẹ Iyinkọn na 17:32

Asakiephana rẹ ayen vwo nyo kpahe evrẹnushi rẹ irivwi, evo ke vwọ jehwe; ẹkẹvuọvo efa da ta, Avwanre cha rhoma nyo mie we kpahe emu nana.

Iyẹnrẹ Esiri ri Jọn 18:38

Pailet da ta kẹ, Die hẹ uyota? Rọ vwọ ta onana nu, ọ da rhọma ro otafe bru ihwo ri Ju na, ọ da ta kẹ ayen, Me mrẹ oruchọ vwẹ obọ rọye-e.

Iyẹnrẹ Esiri ri Jọn 8:43

Kidie obo mẹ tare vwo jẹ ovwan ẹruọ? Fikiridie ovwan guọnọ ota mẹ nyo-o.

Iyẹnrẹ Esiri ri Luk 10:9

we sivwi ihwo re mwa vwẹ etiyin re wa ta kẹ ayen, Uvie rẹ Ọghẹnẹ te ovwan oma nure.

Iyẹnrẹ Esiri ri Luk 9:2

o de ji ayen re ghwoghwo uvie rẹ Ọghẹnẹ rere ayen ji sivwi ihwo rẹ oma da.

Iyẹnrẹ Esiri ri Mak 4:15

Ena e re hẹ orhoma rẹ idjerhe asan ra kọn ota na phihọ; ọke re ayen vwo nyo, Idẹbono da ghwa rhe, ọ da reyọ ota ra kọn phihọ udu rẹ ayen na no.

Matiu 5:37

Ẹkẹvuọvo jẹ Ẹjo wẹn dia Ẹjo, ji E wẹn dia E; ọ da vrẹn enẹ kẹ efian.

Isẹ 17:16

Die ẹkpa vwọ naghoma vwẹ igho yọnrọn obọ rọ guọnọ aghwanre dẹ, yo vwo iroro-o.

Isẹ 1:7

Oshọẹdjẹ rẹ Ọrovwohwo ọye ẹtuọhọ rẹ erianriẹn: ẹkpa kọye re jẹ uyono vẹ aghwanre kuẹfia.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Izikiẹl 31:18

Kono wọ họhọre vwẹ etinẹ na vwẹ urinrin kugbe ọrho vwẹ ohri rẹ irhe rẹ Idẹn na? A cha vwẹ owe te otọ wọ vẹ irhe rẹ Idẹn na vwo kpo akpọ rivẹ, ku wo shevwerhẹ vwe ohri re upheruphe, vwo kugbe ihwo rẹ ọlọkọ hweri. Ọnana Fẹro kugbe urogho rọye ejobi, eriyin Ọrovwohwo Ọghẹnẹ tare.

Matiu 12:26

Ọ da dianẹ Idẹbono da djẹ Idẹbono phia, yọ ghare oma; komavọ uvie rọye se vwo mudia?

Matiu 13:20

Ena hẹ edje ra kọn phihọ otọ rẹ oragha, eye hẹ edje ri nyo ota na, ayen da vwẹ aghọghọ reyọ.