Matiu 13:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kidie udu rẹ ihwo nana figberi, Erhọn rayen diri; Ẹro rayen ji ghwe rhu; Re ayen jẹ orẹ ẹmrẹ, Rere ayen vwo jẹ ẹme enyo; Udu rayen de rhe roro; Ayen de rhe kurhẹriẹ, E de rhe sivwi ayen.

Matiu 13:15 Referans Kwoze

Aizaya 6:10

Ru udu rẹ ihwo nana vwo ọkpan, re erhọn rayen di, rhurhu ẹro rayen, ayen da vwẹ ẹro rayen mrẹ orẹ, ayen da vwẹ erhọn rayen nyo ẹme, ayen da vwẹ udu rayen vughe, ayen de kurhẹriẹ e de sivwi ayen.

Iyẹnrẹ Esiri ri Mak 4:12

re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Jerimaya 17:14

Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Hibru 5:11

Avwanre mrẹ emu buebu ra ta kpahọ rẹ otọ rọye bẹn ẹfa, fikiridie ovwan se nyo ẹme-e.

2 Timoti 4:4

ki che chuko ku e gbe daywerhọ rẹ uyota na-a ki ho nene esia ẹrhọghọ.

Iruo rẹ Iyinkọn na 7:57

Ẹkẹvuọvo ayen da van kperi ayen da vwẹ abọ di erhọn rayen, ayen ejobi da họrhọ ruọ.

Une rẹ Ejiro 119:70

udu rayen vẹ ọkpan kerẹ ivwri, ẹkẹvuọvo oma rẹ urhi wẹn vwerha ovwẹ.

Ẹvwọphia 22:2

wan uherevie rẹ urhuvwu rẹ orere na; vwẹ obọ nana vẹ obọ yena rẹ urhie na, urhe rẹ arhọ na da je djẹ vwọ ọ vẹ oka rẹ ibi ihwivẹ, rọ mọ emamọ rọye kemeranvwe kemeranvwe; ẹbe rẹ urhe na kọye e vwo sivwi ẹgborho na.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Aizaya 57:18

Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Jerimaya 3:22

We rhivwi rhe emọ rẹ igberadja na, Mi sivwi ọfarhiẹ rẹ ovwan na. Nighe, avwanre bru we rhe; kidie wẹ Ọrovwohwo Ọghẹnẹ rẹ avwanre.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

Iyẹnrẹ Esiri ri Luk 19:42

tanẹ, Mane ku wọ sa riẹn imu re kẹ ufuoma vwenẹ! Ẹkẹvuọvo Asakiephana e si ayen nu kẹ ẹro wẹn.

Iruo rẹ Iyinkọn na 28:27

Kidie udu rẹ ihwo nana djeri, erhọn rayen e họhọhọ kẹ eme-enyo, ẹro rayen rhurhuru, ayen da vwẹ ẹro rayen vughe, ayen da vwẹ erhọn rayen nyo ẹme, rẹ udu rayen de vwo ẹruọ, i de kurhẹriẹ mi de sivwi ayen.

Isẹ 16:30

Ohwo rọ vwẹ ẹro ta ota shuakpọ, ohwo rọ siunu phihọ umiovwo ye ọ ghwa cha.