Matiu 12:42 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴² Ovie rẹ aye, Sheba cha vwẹ orua nana guẹdjọ ro de bru hwe; Kidie o nẹ oba rẹ akpọ rhe ri yono ẹghwanre ri Solomọn; gbe nighe, ọ rọ rho nọ Solomọn hẹ etinẹ.

Matiu 12:42 Referans Kwoze

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

1 Ivie 10:24

Akpọ na ejobi ke guọnọ opharo ri Solomọn mrẹ rere ayen vwo nyo aghwanre rọye, rẹ ọfuanfon phi phihọ udu rọye.

1 Ivie 5:12

Ọrovwohwo da vwẹ aghwanre kẹ Solomọn, kirobo ro ve kẹ; ufuoma da dia vwẹ uvwre ri Hiram vi Solomọn; ayen ivẹ na de vi oma rarọ.

1 Ivie 4:34

Ihwo de nẹ asan ejobi rhe rhi nyo aghwanre ri Solomọn, ji nẹ ivie rẹ akpọ na ejobi rhe, ri nyo usi rẹ aghwanre rọye.

1 Ivie 4:29

Ọghẹnẹ da vwẹ aghwanre vẹ ẹruọ vwọ kẹ Solomọn vrẹn ẹka, ọ vẹ udu rọ hẹre ro bu nọ lbiekpẹn rẹ urhie,

1 Ivie 3:28

Izrẹl ejobi de nyo orhiẹn rẹ ovie bruru na; udidi rẹ ovie de mu ayen, fikiridie ayen mrẹ vughe nẹ aghwanre rẹ Ọghẹnẹ rhere, rere o vwo bru orhiẹn rẹ ọsoso.

1 Ivie 3:12

nighe, asakiephana ki mi ru kirobo rẹ ota wẹn epha. Nighe, Me kẹ wẹ aghwanre vẹ udu rẹ evughe, ọtiọye na a mrẹ ọkpọ wẹ rọ ka obaro kẹ wẹ-ẹ eyẹ ọkpọ wẹ rọ ka obuko kẹ wẹ-ẹ.

1 Ivie 3:9

Fiki ọtiọye na gba vwẹ erhi rẹ ẹruọ vwọ kẹ odibo wẹn ro vwo sun ihwo wẹn, rere mi se vwo vughe emu esiri vẹ emu umwemwu; kono se sun ihwo ibuebu wẹn nana?

Matiu 12:41

Ihwo ri Ninive cha vwẹ orua nana guẹdjọ rẹ ayen de bru hwe. Kidie ayen kurhẹriẹ vwẹ oma rẹ eyono ri Jona; Gbe nighe, ọ rọ rho nọ Jona hẹ etinẹ.

Matiu 12:6

Ẹkẹvuọvọ me ta kẹ ovwan nẹ, ohwo ọvo rọ rho nọ uwẹvwi rẹ ẹga na hẹ etinẹ.

Urhi Rivẹ 30:13

Ọ je dia obo ovrẹn rẹ abadi ọ epha-a, ro wọ da tanẹ, Ko no gua urhie na vrẹn kẹ avwanre, ra reyọ rhe avwanre, rere avwanre vwo nyo vwo ruo?