Matiu 12:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Ihwo ri Ninive cha vwẹ orua nana guẹdjọ rẹ ayen de bru hwe. Kidie ayen kurhẹriẹ vwẹ oma rẹ eyono ri Jona; Gbe nighe, ọ rọ rho nọ Jona hẹ etinẹ.

Matiu 12:41 Referans Kwoze

Matiu 12:42

Ovie rẹ aye, Sheba cha vwẹ orua nana guẹdjọ ro de bru hwe; Kidie o nẹ oba rẹ akpọ rhe ri yono ẹghwanre ri Solomọn; gbe nighe, ọ rọ rho nọ Solomọn hẹ etinẹ.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Ọbe ri Pọl si rhe Ihwo ri Rom 2:27

Wo rhe roro nẹ ijeyanvwọ rọ yọnrọn urhi na se brorhiẹ wẹ rọ vwẹ urhi na yan eyan rọ chọ urhi na?

Iyẹnrẹ Esiri ri Jọn 3:31

Ọ ro nẹ obenu rhe ọye ri kpenu ejobi; ọ rọ dia ọ rẹ akpọ na ọye hẹ ọ rẹ akpọ na, ota rẹ akpọ na kọye ọ ta; ọ ro nẹ obo odjuvwu rhe na ọye ri kpenu ejobi.

Matiu 12:6

Ẹkẹvuọvọ me ta kẹ ovwan nẹ, ohwo ọvo rọ rho nọ uwẹvwi rẹ ẹga na hẹ etinẹ.

Jona 1:2

Vrẹn, yanran kpo Ninivẹ, orere rode yena, rere wo ghwoghwo kẹ, kidie iyẹrẹ rẹ uvumwemwu rayen tevwe obọ re.

Jerimaya 3:11

Orovwohwo da ta kẹ vwẹ, Abe rẹ Izrẹl rẹ ogbigberadja na rere havwe nọ ọ ri Juda rẹ oniọvo re ofian rọye na.

Iyẹnrẹ Esiri ri Jọn 4:12

Wọ rhonọ Jekọp rẹ ọsẹ rẹ avwanre, rọ vwẹ orhare na kẹ avwanre, rẹ ekpuyovwi rọye da je da vwọ, kugbe emọ rọye, kugbe uchuru rọye?

Iyẹnrẹ Esiri ri Luk 11:32

Ihwo ri Ninive cha vwẹ uvwiẹ nana guẹdjọ re de bru hwe; kidie ayen kurhẹriẹ vwẹ eghwoghwo ri Jona, gbe nighe, emuọvo rọ rhonọ Jona hẹ etinẹ.

Matiu 23:36

Uyota me ta kẹ ovwan, osa rọye ọ hẹ enu rẹ uyovwi rẹ ovwan.

Matiu 17:17

Jesu da kpahe ọ da ta nẹ, Edje ri jẹ esegbuyota evwo, mavọ me vẹ ovwan dia kir te? Komavọ mi chirako rẹ ovwan te? muo rhe vwe.

Matiu 16:4

Orua brabra ri gbe igberadja na me a guọnọ oka; a sa vwẹ oka kẹ-ẹ, jokpa rẹ oka ri Jona. Ọ da yan jẹ ayen vwo yanran.

Matiu 12:45

Ko rhivwi yanran, ọ me ra reyọ erhi ighwrẹ efa re bra nọ ekpuyovwi rọye, ayen me ro evun rọye rhe dia. Eyenre rẹ ohwo na vwẹ ukuko na mi rhi miovwi nọ ọ rẹsosuọ. Ọtiọye orua nana cha dia.

Matiu 12:39

Ẹkẹvuọvo ọ da ta kẹ ayen nẹ orua umwemwu na kugbe evwọnrọn efian na, ovwan guọnọ ọka, a sa vwẹ oka kẹ ovwan, jokpa rẹ oka ri Jona rẹ ọmraro na.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Jona 3:4

Jona da ro evun rẹ orere na, ọ da yan ẹdẹ ọvo kẹ ọke kpo. O de ghwoghwo, Chekọ ẹdẹ ujuvẹ, ka cha ghwọrọ Ninivẹ te otọ!