Matiu 12:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ọ vwọ riẹn iroro rayen, ọ da ta kẹ ayen nẹ, uvie da ghare omobọ rọye, kọ hra, orere da vwọ so omobọ rọye ko she.

Matiu 12:25 Referans Kwoze

Galesha 5:15

Ẹkẹvuọvo ọ da dianẹ ovwan ke rhọvwa, ke ria omoma rẹ ovwan ovwan gba riẹn nẹ ovwan cha ghwọrọ omoma rẹ ovwan.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

1 Kọrẹnt 2:11

Kidie didi ohwo re sa riẹn iroro rẹ ohwo jokpa rẹ erhi rẹ ohwo na rọ hẹ evun rọye? Ọtiọye rhe ohwo ọvuọvo sa riẹn iroro rẹ Ọghẹnẹ-ẹ jokpa rẹ Erhi rẹ Ọghẹnẹ.

Matiu 9:4

Jesu vwọ riẹn iroro rayen, ọ da ta nẹ, Die ovwan vwo roro iroro omiomiovwi vwẹ udu rẹ ovwan?

Aizaya 9:21

Manasse ria ọ rẹ Ifrem, Ifrem ria ọ ri Manasse, ayen de koko vwọ so Juda. Vwẹ enana ejobi na ophu rọye fueri-i yẹ obọ rọye je riẹn phia.

Ẹvwọphia 16:19

Orere rode na da bẹre ẹbẹre erha, irere rẹ ẹgborho na de ghwie she, Ọghẹnẹ da rhe karohọ Babilọn orere rode na, a da vwẹ uko rẹ ophu rọye kẹ da.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

Iyẹnrẹ Esiri ri Mak 2:8

Ri Jesu ghwa vwọ riẹn vwẹ erhi rọye nẹ ayen jẹ iroro nana vwẹ udu rẹ ayen, Ọ da ta kẹ ayen nẹ, Die sorọ rẹ ovwan vwo roro emu nana vwẹ udu rẹ ovwan?

Une rẹ Ejiro 139:2

Wọwẹ re riẹn ọke mi vwo tidia kugbe ọkẹ mi vwo vrẹn; wọwẹ ri vughe iroro mẹ vwẹ ogboko.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Iyẹnrẹ Esiri ri Jọn 21:17

Ọ da ta kẹ obọ rerha, Saimọn, ọmọ ri Jọn, wọ guọnọ ovwẹ? Ophu de mu Pita rọ vwọ nọ asiarha gbagba nẹ, Wọ guọnọ ovwẹ? Ọ da ta kẹ, Ọrovwohwo, wọ riẹn emu ejobi re; wọ riẹnre nẹ me guọnọ owẹ. Jesu da ta kẹ, Ghẹrẹ igegede mẹ.

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.

1 Ivie 16:21

Etiyin ihwo rẹ Izrẹl da ghare oma akava; abọvo rẹ ihwo na de nene Tibni ọmọ ri Ginat, rẹ ayen vwọ ma ovie, abọvo de nene Omri.