Matiu 12:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Jesu vwọ riẹn ọna re, o de si oma te uko; ihwo buebu de nene, o de sivwi ayen ejobi.

Matiu 12:15 Referans Kwoze

Matiu 10:23

Ẹkẹvuọvo e de kpokpo uwe vwẹ orere ọvo, djẹ kpo ọrivẹ. Kidie uyota me ta kẹ ovwan, ovwan sa djẹ vrẹn irere rẹ Izrẹl na ejobi re tavwe rẹ Ọmọ rẹ ohwo ke rhe-e.

Iyẹnrẹ Esiri ri Jọn 11:54

Jesu gbe sa vwẹ oma phia gangan vwẹ ohri ri Ju na-a, ẹkẹvuọvo o de nẹ etiyin kpo orho rọ hẹ obo aghwa, vwo kpo orho re se Ifrem; kẹ etiyin ọ vẹ idibo rọye diare.

Iyẹnrẹ Esiri ri Jọn 7:1

Rẹ ọnana vwọ wan nu Jesu kẹ yan vwi Galili; ọ gbe guọnọ kpo Judia-a, fikiridie ihwo ri Ju na guọnọ hwe.

Matiu 19:2

Ihwo buebu de nene; o de sivwi ayen.

Iyẹnrẹ Esiri ri Mak 6:56

Kasan kasan ro teri owenẹ ọ dia ighwre, eyẹ irere eyẹ orho ayen de mu ihwo rẹ oma da phihọ afieki, ayen da rẹ rere ayen vwẹ obọ te orhoma rẹ ewun rọye; uche ihwo re vwẹ obọ te ejobi oma rẹ ayen de kpo.

1 Pita 2:21

Kidie ọna e se ovwan rhe, fikiridie Kristi re-oja kẹ ovwan, re ovwan vwo no ru, rere ovwan vwẹ ẹro kere.

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

Iyẹnrẹ Esiri ri Jọn 9:4

Avwanre se ru iruo rẹ ohwo ro ji vwe rhe, rẹ ọke vwọ herọ na; ason cha, rẹ ohwo de jẹ iruo eruo.

Iyẹnrẹ Esiri ri Luk 6:12

Vwẹ ọke yena re, o de kpo enu rẹ ugbenu ra nẹ ẹrhovwo; vwẹ evun rẹ ason na ejobi ọ da nẹ ẹrhovwo kẹ Ọghẹnẹ.

Iyẹnrẹ Esiri ri Luk 5:22

Jesu vwọ riẹn iroro rayen, o da kpahe kẹ ayen, Die ovwan nọ vwẹ udu rẹ ovwan?

Iyẹnrẹ Esiri ri Luk 9:11

Rẹ otu na vwo nyo, ayen de nene; o de dede ayen reyọ o de gbe ikun rẹ uvie rẹ Ọghẹnẹ na kẹ ayen, o de sivwi ihwo re guọnọ esivwo ejobi.