Matiu 11:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Matiu 11:5 Referans Kwoze

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Aizaya 29:18

Vwẹ ẹdẹ yena idierhọn ki che nyo eta rẹ ọbe, vwẹ evun rẹ oma emuophihọ kugbe ebri rayen ẹro rẹ orhuẹro cha mrẹ.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Matiu 21:14

Te irhuẹro te ikpono de bro rhe evun rẹ uwevwi rẹ ega na; o de sivwi ayen.

Iyẹnrẹ Esiri ri Jọn 10:38

ẹkẹvuọvo mi de ru ayen, dede na nẹ we se vwe gbuyota-a, gbe se iruo na gbuyota, rere ovwan riẹn re ọ ro ovwan nẹ Ọsẹ hẹ evun mẹ nẹ mi he evun rẹ Ọsẹ na.

Iyẹnrẹ Esiri ri Jọn 10:25

Jesu da kpahe kẹ ayen, Me ta kẹ ovwan, ovwan sere gbuyota-a. Iruo na ri mi ruẹ vwẹ odẹ rẹ Ọsẹ mẹ na, ayen se oseri kẹ vwẹ;

Iyẹnrẹ Esiri ri Jọn 5:36

Ẹkẹvuọvo iseri ri mi vwori rhonọ ọ ri Jọn; kidie iruo rẹ Ọsẹ mẹ vwọ kẹ vwẹ ni mi ru gba, iruo nana dẹn ri mi ruẹ na, se oseri kẹ vwẹ nẹ Ọsẹ na ri ji vwe rhe.

Iyẹnrẹ Esiri ri Jọn 3:2

Ọhwo nana de bru Jesu rhe vwẹ ason ọ da ta kẹ, Rabbi, avwanre riẹnre nẹ wọwẹ oyono ro nẹ obọ rẹ Ọghẹnẹ rhe; kidie ohwo ọvuọvo ro se ru eka nana ru wo ruẹ na herọ-ọ, jokpa nẹ Ọghẹnẹ vwọ ba.

Iyẹnrẹ Esiri ri Jọn 2:23

Asakiephana ọke rọ vwọ hẹ Jerusalẹm vwẹ ọke orẹ rẹ ẹwanvrẹn na, buebu de se odẹ rọye gbuyota vwẹ ọke rẹ ayen vwọ mrẹ eka ro ruru;

Iyẹnrẹ Esiri ri Mak 9:25

Ọke ri Jesu vwọ mrẹ nẹ otu na ra dje siẹ koko, ọ da ghwọ ku erhi ro jẹfuọn na, tanẹ wọwẹ erhi ro diunu na vẹ odierhọn, Me ta kẹ wẹ, wan no, wọ gbe ruọ ọfa-a.

Iyẹnrẹ Esiri ri Mak 7:37

O de gbe ayen unu vrẹn, ta nẹ, O ru emu ejobi yovwi, o ru odierhọn nyo ẹme, o ru idi ta ota.

Matiu 10:8

Sivwi ihwo re mwa ọga rhọvwọ ihwo ri ghwuru, sivwi ehonvwoti, djẹ idẹbono phia, ọphẹ ovwan mrẹrẹ, ọphẹ ovwan je vwọ kẹ rhe.

Matiu 9:30

Ẹro rayen de rhie. Jesu de ji urhi kẹ ayen nẹ, ovwan ta kẹ ohwo ọvuọvo-o.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Aizaya 43:8

Reyọ ihwo ri rhuẹro, dede na yi vwo ẹro, ri dierhọn, dede na yi Vwo erhọn.

Une rẹ Ejiro 146:8

Ọrovwohwo na rhie ẹro ro rhuru. Ọrovwohwo na kpare otu re nuẹ kpotọ vrẹn; Ọrovwohwo na guọnọ ọvwata.

Une rẹ Ejiro 22:26

Ohwo rọ hẹ ukpokpogho cha re, evun me vọn; otu re guọnerọ ki jiri Ọrovwohwo! E jẹn udu wẹn dia bẹdẹ!

Ivie rẹ Ivẹ 5:14

Ọtiọye ọ da yanran re djoma phihọ ame asia ighwrẹ vwi Jọdan na, kirobo rẹ ọmraro rẹ Ọghẹnẹ na tare; oma rọye da varhe tẹntẹn kerẹ oma rẹ ọmọboban, ọ da fon.

Ivie rẹ Ivẹ 5:7

Ọke rẹ ovie rẹ Izrẹl vwo se ọbe na nu, ọ da bẹrẹ emwa rọye ọ da ta, Mẹvwẹ Ọghẹnẹ, ro se hwe rọ je sa kẹ arhọ rẹ ohwo nana vwọ vuẹ vwẹ ni mi sivwi oti rẹ ọshare nana kpo? Gbe nighe, wọ mrẹ obo rọ guọnọ ẹghwọ mẹ.

Matiu 5:3

Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Iruo rẹ Iyinkọn na 2:22

Ihwo rẹ Izrẹl, Ovwan nyo eta nana: Jesu ri Nazarẹt, ohwo rẹ Ọghẹnẹ rhọvwe kẹ ro ji mu ovwan ẹro vwẹ iruo ride vẹ igbunu rẹ eka buebu ro ruru vwẹ ohri rẹ ovwan kirobo rẹ ekpuyovwi rẹ ovwan riẹnre.

Zekaraya 11:7

Ọtiọye Me rhe dia osuigegede rẹ igodẹ re reabe rẹ ughwu na vwọ kẹ otu rẹ chua eki rẹ igodẹ na. Me reyọ ekpọ ivẹ; mi de se ọvo Ẹserọphẹ, ọrivẹ mi de rhe se okugbe. Me da ghẹrẹ igodẹ na.

Ẹyano 4:11

Etiyin Ọrovwohwo da ta kẹ, “Ono re ma unu rẹ ohwo? Eyẹ ono re marọ diunu, dierhọn, yẹrẹ ohwo ro sa mrẹ orẹẹ, yẹrẹ orhuẹro? Ọ dia mẹvwẹ hẹ Ọrovwohwo na?

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Matiu 11:4

Jesu da kpahe kẹ ayen ọ da ta, Yanran re ovwan ra vuẹ Jọn emu rẹ ovwan mrẹre kugbe ọ rẹ ovwan nyori;

Matiu 12:13

O da ta kẹ ọ ro ghwobọ na nẹ, Riẹn obọ wẹn. Ọ da ghine riẹn, ọ da ghwa riẹn kerẹ ọrivẹ na.

Iyẹnrẹ Esiri ri Jọn 9:7

ọ da ta kẹ, Yanran, ra họ vwẹ ẹtẹrhe si Sailom (otọ rọye Ejo). Ọtiọye ọ da yanran ra họ ọ da rhe ọ da mrẹ orẹ.