Matiu 11:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Matiu 11:25 Referans Kwoze

Matiu 21:16

Ayen da ta kẹ nẹ, Wo nyo obo rẹ imitete na ta na? Jesu da ta kẹ ayen nẹ E; ovwan ji se dẹvo nẹ, Unu rẹ imitete ejiro da gba?

Une rẹ Ejiro 8:2

vwẹ unu rẹ imitete vẹ emọfofa, wọwẹ ke egbe fiki rẹ ivwighrẹ wẹn, re wo vwo fue ọvweghre kugbe ọreihri.

Matiu 16:17

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.

2 Kọrẹnt 3:14

Ẹkẹvuọvo udu rayen da gan, kidie rhi te nonẹ na, ọke re de se ọphọ rẹ awanre na, yẹ oga ọvuọvo na ji phi rhurhu ayen opharo, fikiridie vwẹ oma ri Kristi ọvo ọye a wan siono.

Iruo rẹ Iyinkọn na 17:24

Ọghẹnẹ rọ mama akpọ na kugbe kemu kemu rọ herọ, rọ vwọ dia Ọrovwohwo ro vwo odjuvwu vẹ akpọ na, ọ sa dia evun rẹ ẹshẹ rẹ ohwo vwẹ obọ ru-u,

Iyẹnrẹ Esiri ri Jọn 11:41

Ọtiọye na ayen de mu oragha na no. Jesu da kpare opharo rọye kpenu ọ da ta, Ọsẹ, me kpẹvwẹ owẹ ru wo vwo nyo vwe.

Daniẹl 2:23

We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Aizaya 66:1

Enẹ Ọrovwohwo tare: Odjuvwu he ekete Mẹ akpọ na kẹ asan Me ghwe awọ kpaha, ki didi uwevwi wa bọn kẹ vwẹ ki tivọ asan rẹ urovwoma Mẹ?

Iyẹnrẹ Esiri ri Luk 22:42

Ọsẹ, ọ da dia ẹguọnọ wẹ, gbe jẹ uko nana chọ vwẹ ra; ẹkẹvuọvo ọ dia ẹguọnọ mẹ-ẹ, ẹkẹvuọvo ọwẹn, ọye wo ru.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Aizaya 5:21

Ekan ke ihwo re ghwanre kẹ omaobọ rayen, ri vwọ ọhọ kẹ omobọ rayen ọvo!

1 Ikun rẹ Ivie 29:13

Asakiephana ma kpẹvwẹ owẹ, Ọghẹnẹ rẹ avwanre, me jiri odẹ wẹn rẹ urinrin na.

Ivie rẹ Ivẹ 19:15

Hẹzikaya da nẹ ẹrhovwo vwẹ obaro rẹ Ọrovwohwo na, ọ da ta, E Ọrovwohwo Ọghẹnẹ rẹ Izrẹl,– tidia ekete vwẹ ohri rẹ chẹrobim, Wọwẹ ọvo ọye Ọghẹnẹ rẹ ivie rẹ akpo na ejobi; We re ma odjuvwu vẹ akpo.

1 Samuẹl 2:18

Samuẹl re gbe odibo vwẹ obaro rẹ Ọrovwohwo, omotete ro ku ibuluku re esada phihọ.

Jẹnẹsis 14:22

Ẹkẹvuọvo Ebram da ta kẹ ovie ri Sodọm, Mi vẹ kẹ Ọrovwohwo Ọghẹnẹ ro Me Kpenu nure, ọ rọ ma odjuvwu vẹ akpọ,

Jẹnẹsis 14:19

Ọ da nẹ ẹrhovwo kẹ tanẹ, Ebruba kẹ Ebram vwẹ oma rẹ Ọghẹnẹ ro Me Kpenu, rọ ma odjuvwu vẹ akpọ;

ỌBE RẸ JOB 37:24

Fiki rẹ ọtioye ihwo rẹ akpo wa djẹ oshọ rọye; o se ohwo rọ ghwanre ọvuọvo gbẹ emu vwẹ evun rẹ aghwanrẹ rọye-e.

Iyẹnrẹ Esiri ri Luk 23:34

Jesu da ta, Ọsẹ, vwo ghovwo ayen; kidie ayen riẹn obo rẹ ayen ruẹ-ẹ. Ayen da vwẹ ewun rọye vwo duvwu itẹ.

Iyẹnrẹ Esiri ri Jọn 12:27

Asakiephana ẹnwẹ mẹ ko kpogho. Kidie me cha ta, Ọsẹ, sivwi uvwe nẹ ọke nana? Ejo, kidie fiki rẹ ọnana na me vwọ rhe rhi te ọke nana na.

Iyẹnrẹ Esiri ri Jọn 12:28

Ọsẹ, vwẹ urinrin kẹ odẹ wẹn. Etiyin urhuru ọvo de nẹ odjuvwu rhe, me vwẹ urinrin kẹ nure, me je rhoma vwẹ urinrin kẹ.

1 Kọrẹnt 2:10

Ọghẹnẹ vwe rọ phia kẹ avwanre vwẹ oma rẹ Erhi na. Kidie Erhi na guọnọ kemu kemu ejobi phia, mrẹmrẹ emu okokodo rẹ Ọghẹnẹ.