Matiu 11:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Nẹ ọke ri Jọn rhe rhi te ọke nana ọye uvie rẹ odjuvwu vwọ hẹ ukpokpogho, ihwo ogbarogba vwọ vwẹ ẹgba reyọ.

Matiu 11:12 Referans Kwoze

Iyẹnrẹ Esiri ri Luk 16:16

Urhi na vẹ emraro na herọ bẹsiẹ ro ki rhi te Jọn; nẹ ọke yena rhe na e vwo ghwoghwo ikun rẹ iyenre esiri rẹ uvie rẹ Ọghẹnẹ na, kohwo kohwo ke de vwẹ ozighi họrhọ ruọ.

Iyẹnrẹ Esiri ri Luk 13:24

Pharhe re wọ sa ro anurhoro ọhwahwa na; kidie buebu, me ta kẹ wẹ, re cha guọnọ ro yẹ ayen sa ruọ-ọ.

Filipae 2:12

Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Matiu 3:15

Ẹkẹvuọvo Jesu da ta kẹ nẹ, Jọ dia ọtiọye; rere emu na ejobi vwọ gba ọ da rhọvwe kẹ.

Matiu 11:11

Uyota me ta kẹ ovwan, Ihwo rẹ eya vwiẹri na, o ji vwo ọ rọ rhoro te Jọn ri Baptist na-a, ẹkẹvuọvo ọ rọ ma hanvwe vwẹ uvie rẹ odjuvwu rho nọ.

Matiu 11:13

Kidie irhi na kugbe emraro na herọ rhi te ọke ri Jọn.

Iyẹnrẹ Esiri ri Jọn 5:4

Kidie amakashe ruẹ ẹtẹrhe na ọkeọvo o mi kpogho ame na ohwo kohwo rọ karo she teyọ ame na vwẹ ọke ro de kpogho nu, emiavwe kemiavwe rọ hẹ oma rọye ejobi mi ghwe kpo.