Matiu 11:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Uyota me ta kẹ ovwan, Ihwo rẹ eya vwiẹri na, o ji vwo ọ rọ rhoro te Jọn ri Baptist na-a, ẹkẹvuọvo ọ rọ ma hanvwe vwẹ uvie rẹ odjuvwu rho nọ.

Matiu 11:11 Referans Kwoze

Iyẹnrẹ Esiri ri Luk 7:28

Me ta kẹ ovwan, Usun rẹ ihwo rẹ aye vwiẹri na, o ji vwo ohwo rọ rho te Jọn ri Baptisti-i; dede na ohwo rọ ma hanvwe vwẹ uvie rẹ Ọghẹnẹ na rhonọ.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Iyẹnrẹ Esiri ri Jọn 1:15

Jọn de se oseri kẹ, ọ de kperi, Ọnana hẹ ọ re me tare nẹ, Ọ rọ cha vwẹ obuko mẹ na rhonọ ovwẹ, kidie ọ ka obaro kẹ vwẹ.

Matiu 5:19

Kohwo kohwo ro miovwo ọvo vwẹ irhi nana, ro de yono ihwo ghwru, ọye cha ma hanvwe vwẹ uvie rẹ odjuvwu; ẹkẹvuọvo kohwo kohwo ro ru ayen gba ro de yono ayen gba, ohwo yena re cha ma rho vwẹ uvie rẹ odjuvwu.

Matiu 3:11

Ame diodi rẹ ekuorhẹriẹ me vwọ kẹ ovwan na, ẹkẹvuọvo ọ rọ cha vwẹ obuko mẹ na, o gan nọ vwẹ, isabato rọye mi se te ohwo ro muo-o; ọye cha vwẹ Erhi Ọfuanfon vẹ erhanre vwọ họ ovwan.

Iyẹnrẹ Esiri ri Luk 9:48

ọ da ta kẹ ayen, Kohwo kohwo rọ reyọ omotete tiọna vwẹ odẹ mẹ yọ reyọ ovwẹ, kohwo kohwo rọ reyọ ovwẹ yọ reyọ ọ ro ji vwe rhe; kidie ohwo rọ ma havwe vwẹ ohri rẹ ovwan ejobi ọye re cha ma rho.

1 Pita 1:10

Emraro na re mraro rẹ ẹserọphẹ ra cha vwọ kẹ ovwan na e guọnerọ, e je nọ kpahe esivwo nana;

Hibru 11:40

rẹ Ọghẹnẹ vwọ ka mrẹ obo ri me yovwi kẹ avwanre na, nẹ ọ rha dia avwanre-e e gbi se ru ayen gba-a.

1 Kọrẹnt 15:9

Kidie mẹvwẹ hẹ ọyinkọn rẹ ọkuko, ro fori re se ọyinkọ-ọn, kidie mi mu kpahe ishọshi rẹ Ọghẹnẹ.

1 Kọrẹnt 6:4

Ọ da dianẹ ovwan vwo eghẹre rẹ eta tiọnana, die ovwan vwọ vwẹ ayen rhe otu ri fi emuọvo kẹ ishoshi na-a?

Iyẹnrẹ Esiri ri Jọn 10:41

Buebu de bro rhe; ayen da ta, Jọn ru oka-a, ẹkẹvuọvo kota kota ri Jọn tare kpahe ohwo nana uyota.

Iyẹnrẹ Esiri ri Jọn 3:30

Ọ rho, ẹkẹvuọvo ke me hanvwe.

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

ỌBE RẸ JOB 15:14

Die ohwo epha, rọ sa vwọ fuan? Eyẹ ọ rẹ aye vwiẹri na, rọ vwọ sa dia ọvwata?

ỌBE RẸ JOB 14:4

Ono ri si emu ọfuanfon nẹ evun rẹ emu ogbegbe cha? O vwo ọvuọvo-o.

ỌBE RẸ JOB 14:1

Ohwo rẹ aye vwiẹri, ẹmẹdẹ rọye pha krẹkrẹ, ọ je vọn vẹ ukpokpogho

Iyẹnrẹ Esiri ri Jọn 5:35

Ọye hẹ urhukpẹ rọ la ro lo, ovwan da rhọvwe ghọghọ emerha vwẹ urhukpẹ rọye.

Iyẹnrẹ Esiri ri Jọn 1:27

ọye dẹn ohwo rọ cha vwẹ obuko mẹ na, ifi rẹ isabato rọye mi fo ohwo rọ rha aye-en.

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Iyẹnrẹ Esiri ri Jọn 7:39

Asakiephana ọ ta ọnana kpahe Erhi na, rẹ otu ri sere gbuyota che vwo; kidie rhi te ọke na yọ je vwẹ Erhi na kẹ aye-en, fikiridie yẹ a je vwẹ urinrin na kẹ-ẹ.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

ỌBE RẸ JOB 25:4

Komavọ ohwo vwọ sa dia ọvwata vwẹ obaro rẹ Ọghẹnẹ? Mavọ ohwo rẹ aye vwiẹre ru fon?

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

2 Timoti 1:10

asakiephana kọ vwe rọ phia vwẹ oma rẹ ẹcha rẹ Ọsivwi rẹ avwanre Kristi Jesu, rọ guọghọ ogangan rẹ ughwu nu ọ da kẹ avwanre urhukpẹ rẹ arhọ vẹ ijeghwo fiki rẹ iyẹnrẹ esiri na.

Iyẹnrẹ Esiri ri Luk 1:15

Kidie ọ cha rho vwẹ obaro rẹ Ọrovwohwo, ọ cha da wain yẹrẹ udi ọganga-an, kọ cha vọn vẹ Erhi Ọfuanfon, mrẹmrẹ nẹ evun rẹ oni rọye rhe.

Matiu 3:1

Vwẹ ọke yena Jọn ri Baptist da rhe ko ghwoghwo iyẹnrẹ esiri na vwẹ aghwa ri Judia, ọ da ta nẹ,

Matiu 11:10

Ọnana hẹ ohwo na, re siro kpahe nẹ, Nighe mi ji ikọn mẹ ka obaro kẹ wẹ, Ọ rọ rhuẹrẹ idjerhe wẹn.

Matiu 11:12

Nẹ ọke ri Jọn rhe rhi te ọke nana ọye uvie rẹ odjuvwu vwọ hẹ ukpokpogho, ihwo ogbarogba vwọ vwẹ ẹgba reyọ.