Matiu 11:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Rẹ oke rhi vwo te, ri Jesu vwọ ta eta kẹ ihwivẹ na nu, ọ da yanran kpo evun rẹ irere na re yono ihwo.

Matiu 11:1 Referans Kwoze

Iruo rẹ Iyinkọn na 10:38

Obo rẹ Ọghẹnẹ vwọ vwẹ evwri ghworo Jesu ri Nazarẹt vwẹ Erhi Ọfuanfon kugbe ogangan obo ro yanrhe yankpo ro ruẹ emu esiri jo sivwi ihwo ejobi rẹ idẹbono shenyẹ, kidie Ọghẹnẹ vẹ ọye herọ.

Iyẹnrẹ Esiri ri Luk 8:1

Vwẹ ọke yena kọ yan wan irere vẹ ẹko na, ro ghwoghwo jo gbe iyẹnrẹ esiri rẹ uvie rẹ Ọghẹnẹ. Ye ihwivẹ na vẹ ọye usun,

Matiu 9:35

Etiyin Jesu da yan ro irere na, vẹ eko na ejobi, o de yono vwi Sinagọg, ọ da ta ota rẹ iyẹnrẹ esiri rẹ uvie rẹ odjuvwu, o de sivwi ihwo buebu re mwa ọga dohwo doghẹre rẹ emiavwe rọye.

2 Tẹsalonaika 3:10

Tobọ ọke rẹ avwanre vẹ ovwan vwọ herọ na, ọnana hẹ urhi rẹ avwanre ji kẹ ovwan nẹ; a wianre-e, a ria-a.

2 Tẹsalonaika 3:6

Asakiephana, imoni, avwanre ji urhi kẹ ovwan vwẹ odẹ rẹ Ọrovwavwanre Jesu Kristi, nẹ ovwan sioma nẹ oniọvo ro gbe ufeti ro shehọ uruemu rẹ ovwan yono mie avwanre-e.

1 Tẹsalonaika 4:2

Kidie ovwan riẹn uyono rẹ avwanre wan oma rẹ Ọrovwohwo Jesu vwọ kẹ ovwan.

Iruo rẹ Iyinkọn na 10:42

Ọ da vuẹ avwanre nẹ e ghwohwo kẹ ihwo, re ji se oseri nẹ ọye ọvo Ọghẹnẹ vwo mu nẹ o guẹdjọ rẹ ihwo ekpokpọ kugbe otu ri ghwuru.

Iruo rẹ Iyinkọn na 1:2

Rhi te ẹdẹ ra vwọ reyo vwo kpo obenu, ọke ro vwọ wan oma rẹ Erhi Ọfuanfon, de ji urhi kẹ otu rẹ iyinkọn rọ jẹreyọ.

Iyẹnrẹ Esiri ri Jọn 15:14

Ovwan igbeyan mẹ ọ da dianẹ ovwan ru obo ri mi ji urhi rọye kẹ ovwan.

Iyẹnrẹ Esiri ri Jọn 15:10

Ovwan da sẹro rẹ irhi mẹ, ovwan ke je dia vwẹ evun rẹ ẹguọnọ mẹ, kirobo re me sẹro rẹ irhi rẹ Ọsẹ mẹ re me da dia vwẹ ẹguọnọ rọyẹ.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Matiu 7:28

Ọke rhi vwo te ri Jesu vwo fue uyono rọye nu, o de gbe ayen unu.

Matiu 4:23

Jesu da yanrhe yankpo vwi Galili, o de yono ihwo vwi Sinagọg, ọ da ta ota rẹ iyẹnre esiri rẹ uvie na, o de sivwi ihwo buebu re mwa ọga, dohwo doghẹre rẹ emiavwe rọye.

1 Timoti 6:14

me ta kẹ wẹ nẹ yọnre urhi na gba o vwo upe-e o vwo eka-an bẹsiẹ rẹ Ọrovwavwanre Jesu Kristi vwọ rhe;

Iyẹnrẹ Esiri ri Mak 6:12

Ayen da yanran, re ghwoghwo ota na rere ihwo vwo kurhẹriẹ;

Iyẹnrẹ Esiri ri Luk 23:5

Ẹkẹvuọvo kẹ ayen kpakpọ, tanẹ, Ọ kpare ophu rẹ ihwo na, o yono wan Judia ejobi, nẹ Galili rhe tobọ rhi te etinẹ na.