Matiu 10:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ẹkẹvuọvo e de kpokpo uwe vwẹ orere ọvo, djẹ kpo ọrivẹ. Kidie uyota me ta kẹ ovwan, ovwan sa djẹ vrẹn irere rẹ Izrẹl na ejobi re tavwe rẹ Ọmọ rẹ ohwo ke rhe-e.

Matiu 10:23 Referans Kwoze

Matiu 16:28

Uyota me ta kẹ wẹ, evo herọ ri mudia vwẹ etinẹ na, re cha davwe ughwu phiephie-e, bẹsiẹ rẹ ayen cha vwọ mrẹ Ọmọ rẹ ohwo rọ cha vwẹ uvie rọye.

Iruo rẹ Iyinkọn na 17:10

Siẹvuọvo na imoni na de ji Pol kugbe Sailas kpo Biria vwẹ ason; ọke rẹ ayen vwo te oboyi ayen de kpo sinagọg rẹ ihwo ri Ju.

Iruo rẹ Iyinkọn na 8:1

Sọl je rhọvwe phihọ ughwu rọye na. Vwẹ ẹdẹ yena ukpokpogho rode da rhe dia kẹ ishọshi na vwi Jerusalẹm; ayen ejobi da hra ro otọ ri Judia kugbe Sameria, jokpa rẹ iyinkọn na ọvo yi nuro.

Iyẹnrẹ Esiri ri Mak 13:26

Kẹsiẹye etiyin ayen ke cha mrẹ Ọmọ rẹ ohwo rọ cha vwẹ evun rẹ egho vẹ ogangan rode kugbe urinrin.

Iyẹnrẹ Esiri ri Luk 21:27

Etiyin kẹ ayen cha mrẹ Ọmọ rẹ ohwo rọ cha vwẹ egho vẹ ogangan kugbe urinrin rode.

Iyẹnrẹ Esiri ri Luk 18:8

Me ta kọ ovwan, ọ cha chọ oja rọ ayen kpata kpata. Ẹkẹvuọvo ọke rẹ Ọmọ rẹ ohwo da rhe, kọ sa mrẹ esegbuyota vwẹ akpọ?

Iyẹnrẹ Esiri ri Jọn 7:1

Rẹ ọnana vwọ wan nu Jesu kẹ yan vwi Galili; ọ gbe guọnọ kpo Judia-a, fikiridie ihwo ri Ju na guọnọ hwe.

Matiu 26:64

Jesu da kpahe kẹ nẹ, We re tare. Vwẹ ọ rẹ uyota me ta kẹ wẹ nẹ, Ke etinẹ yanran wọ cha mrẹ Ọmọ rẹ ohwo ro tidia vwẹ obọrhe rẹ ogangan, rọ cha vwẹ irharheghe rẹ odjuvwu.

Matiu 24:30

Kẹsiẹye oka rẹ ẹcha rẹ ọmọ rẹ ohwo ke cha phia vwẹ obo odjuvwu, uvie rẹ akpọ na ejobi ki che muomahọ, kẹ ayen cha mrẹ ọmọ rẹ ohwo rọ cha vwẹ ikoro rẹ obo odjuvwu vẹ urinrin rode.

Iruo rẹ Iyinkọn na 17:14

Okpokpakpa na imoni na da ghwa vwi Pọl kpo obo abadi, ẹkẹvuọvo Sailas kugbe Timoti da daji etiyin.

Matiu 25:13

Rhẹrẹ kidie wa riẹn ọkẹ eyẹ ẹdẹ rẹ Ọrovwohwo vwọ rhe-e,

Matiu 24:48

Ẹkẹvuọvo odibo na da rha ta vwẹ udu rọye nẹ, Ọrovwovwe cha fobọ rhe-e.

Matiu 24:27

Kidie kirobo rẹ enu nyavwaro vwẹ obaro ọnre rẹ ihwo rẹ obuko ọnre da vwọ mrẹ orẹ na, ọtiọye ẹcha rẹ ọmọ rẹ ohwo cha dia.

Matiu 23:34

Fiki re eriyin na, mi de ji emraro mẹ kugbe evwaghwanre, kugbe isiẹbe, we hwe evo, wa kanre evo mu agbagba; we che ru evo oja vwẹ evun rẹ Sinagọg rẹ ovwan, we mi rhe mu ayen nẹ orere kpo orere.

Matiu 4:12

Ọke ro vwo nyo nẹ e mu Jọn, Jesu de sioma nu vwi Galili.

Matiu 2:13

Rẹ ayen vwo kpo nu nighe amakashe da vwẹ oma phia kẹ Josẹf vwẹ evwerhẹ ọ da ta, Vrẹn wo mu ọmọ na re wọ djẹ kpo Ijipt, kugbe oni rọye, wọ dia oboyi bẹsiẹ me vwọ vuẹ ovuẹ rhe wẹ, kidie Herọd guọnọ ọmọ na hwe.

Iruo rẹ Iyinkọn na 20:1

Rẹ ozighi na vwo fue nu, Pọl de re se idibo na ro vwo bru ayen uche nu ọ da yan jẹ ayen vwo kpo Masidonia.

Jerimaya 26:21

Ọke ri Jehoiakim rẹ ovie kugbe egba rẹ ofovwi rọye vẹ isun na ejobi, vwo nyo eta nana, ovie na da guọnọ obo ro vwo hwe; ẹkẹvuọvo ri Uraya vwo nyo, udu de bro ọ da djẹ kpo Ijipt.

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Matiu 23:36

Uyota me ta kẹ ovwan, osa rọye ọ hẹ enu rẹ uyovwi rẹ ovwan.

Matiu 24:34

Uyota me ta kẹ ovwan, uvwiẹ nana ejobi cha sa wan tavwe, re imu nana ke rhe phia-a.